Êsai 48:3 - Nau Brah Ndu Ngơi 2023

³ “Gâp hŏ mbơh lor jêh bơh rnôk kăl e lĕ nau hŏ găn jêh; Lĕ nau nây luh bơh bâr mbung Gâp, jêh ri Gâp hŏ mbơh ăn khân may gĭt; Ƀât lât dơm, Gâp ƀư nau nây, Jêh ri lĕ nây mra tât ngăn.

Êsai 48:3 Iomraidhean Croise

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 37:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng nơm.’ ”

Êsai 41:22

Ăn khân păng hăn dăch jêh ri mbơh ăn hên gĭt Moh nau mra tât! Nkoch bri hom ma hên moh lĕ nau hŏ geh bơh kăl e, Gay ma hên dơi sek uănh khân păng Jêh ri gĭt rbăng nau nglĕ dŭt khân păng; Mâu lah mbơh ăn hên gĭt moh nau mra tât.

Êsai 41:27

Gâp jêng Nơm tal lor lơn mbơh jêh nau nây ma Siôn: “Aơ, khân păng!” Jêh ri Gâp mra njuăl nơm mbơh nau mhe mhan ueh tât ta Yêrusalem.

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 43:9

Lĕ rngôch bri dak tâm rgum hom ndrel n'grŭp, Lĕ phung ƀon lan gŭ tâm rƀŭn hom. Mbu tâm phung khân păng dơi mbơh nau aơ, Jêh ri tâm mpơl ma he lĕ nau gĭt tă bơh lor? Ăn khân păng njŭn phung mbơh nau ngăn gay gĭt rah vah khân păng jêng di, Jêh ri ăn bu gŭ iăt jêh ri lah pô aơ: “Nau nây ngăn yơh!”

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Yôsuê 21:45

Tâm lĕ nau ton ueh Brah Yêhôva hŏ ăn jêh ma ngih Israel, mâu geh ôh du ntil nau mâu jêng ngăn. Lĕ rngôch tât di ngăn da dê jêh.