Êsai 48:2 - Nau Brah Ndu Ngơi 2023

² Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 48:2 Iomraidhean Croise

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nêhêmi 11:18

Lĕ rngôch phung Lêvi gŭ tâm ƀon kloh ueh jêng bar rhiăng pham jât ma puăn nuyh.

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Mprơ Ơm 87:3

Ơ ƀon Brah Ndu, Bu hŏ lah jêh ma nau chrêk rmah ma may. (Sêla)

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 51:15

Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 44:26

Ƀiălah, ơ lĕ rngôch phung Yuđa gŭ tâm bri Êjipt, iăt hom nau Brah Yêhôva! Brah Yêhôva lah: Aơ Gâp sŏk ma amoh toyh Gâp ton pô aơ tâm lam bri Êjipt mâu mra geh du huê bunuyh Yuđa hă mbung kuăl tâm amoh Gâp pô aơ: ‘Tĭng nâm Yêhôva Brah Ndu gŭ rêh mro mrăng!’

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mathay 27:53

jêh ri luh tă bơh môch. Jêh Brah Yêsu dâk rêh tay, phung kloh ueh hăn lăp tâm ƀon kloh ueh jêh ri tâm mpơl ma âk bunuyh.

Mathay 4:5

Brah mhĭk njŭn leo Păng tât ta ƀon kloh ueh, n'gân Păng ta klơ chor ngih brah,

Samƀŭt Pôl Njuăl Ăn Ma Phung Nsing Ta Ƀon Rôm 2:17

Ƀiălah tơlah may geh amoh phung Yuđa; may nsing ma nau vay; may tâm rnê ma may nơm yor Brah Ndu;

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Nau Tâm Mpơl 22:19

Bi tơlah du huê n'hŭch du nau ngơi tâm lĕ nau tă bơh ndrom samƀŭt nau mbơh lor aơ, Brah Ndu mra sŏk lơi nau păng dơn ma tơm si nau rêh jêh ri ƀon kloh ueh nây tĭng nâm bu hŏ nchih jêh tâm ndrom samƀŭt aơ.

Phung Kôranh Phat Dôih 17:13

Y-Mika lah: “Aƀaơ gâp gĭt ma Brah Yêhôva mra ăn nau ueh uĭn ma gâp, yorlah gâp geh du huê bunuyh Lêvi jêng kôranh ƀư brah.”