Êsai 42:4 - Nau Brah Ndu Ngơi 2023

⁴ Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 42:4 Iomraidhean Croise

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Mathay 12:21

Jêh ri phung padih mra kâp gân tâm amoh Păng.”

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 42:12

Nhhơr hom nau chrêk rmah ma Brah Yêhôva, Jêh ri mbơh nau tâm rnê ma Kôranh Brah tâm lĕ rngôch gôl dak mƀŭt.

I Kôrintô 9:21

Đah phung mâu geh nau vay — nđâp tơlah đah Brah Ndu, gâp mâu di gâp mâu geh nau vay, yorlah gâp gŭ tâm dâng nau vay Brah Krist — gâp plơ̆ jêng tâm ban mâu geh nau vay gay ma dơi njŭn leo phung mâu geh nau vay.

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 41:5

Lĕ rngôch gôl dak mƀŭt saơ jêh ri klach krit, Lĕ ntŭk nglĕ dŭt neh ntu râm sâr da dê. Khân păng văch dăch jêh ri hăn tât.

Êsai 40:28

May mâu gĭt hĕ? May mâu tăng hĕ? Brah Yêhôva jêng Brah Ndu gŭ n'ho ro, Nơm hŏ rhăk njêng jêh lĕ rngôch bri neh, Mâu hŏt rgănh ôh, mâu lĕ rdja; Bu mâu dơi sek uănh ôh lĕ nau Păng gĭt rbăng.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:21

Brah Yêhôva maak yor nau sŏng srăng Păng, Ƀư ăn bu yơk jêh ri ƀư chrêk rmah nau vay Păng.

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 40:22

Păng yơh jêng Nơm gŭ ta klơ đôr nkŭm rplay neh, Jêh ri phung gŭ tâm neh ntu jêng tâm ban ma krah ndrach. Păng jêng Nơm pơk lĕ ndâr trôk tâm ban ma du bok nching Jêh ri nthăng khân păng tâm ban ma ngih bok gay gŭ.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Markôs 3:3

Păng lah ma bunuyh siăr ti: “Dâk hom ta nklang aơ!”