Êsai 42:3 - Nau Brah Ndu Ngơi 2023

³ Păng mâu mra nkê̆ch lơi ôh tơm rpho hŏ nchah jêh, Jêh ri mâu khôm ôh brai ŭnh kađen dăch nhhât jêh. Păng mra sŏk nau răp jăp mpơl nau di.

Êsai 42:3 Iomraidhean Croise

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 54:5

Păng mra mplơ̆ ma phung rlăng đah gâp ma nau tih mhĭk khân păng; Dăn May ƀư rai hom khân păng tĭng nau răp jăp May.

Nau Mprơ Ơm 94:15

Nau di mra plơ̆ sĭt ma nau phung sŏng srăng, Jêh ri lĕ rngôch phung geh nuih n'hâm sŏng mra tĭng nau nây.

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 42:2

Păng mâu mra nter huy ôh, mâu lĕ hao ngơi, Mâu lĕ ăn bu tăng bâr păng tâm trong sâng.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Mika 7:9

Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 12:20

Păng mâu mra nkê̆ch lơi ôh tơm rpho hŏ chah jêh, Mâu nhhât ôh ŭnh kađen bơi nhhât, Kŏ tât Păng ăn nau di tât ma dơi.

Yôhan 20:27

Jêh ri Brah Yêsu lah ma Y-Thômas: “Pah hom nglau ti may ta aơ jêh ri uănh mpang ti Gâp. Yơr hom mpang ti may jêh ri pah ta pŭng vĕ Gâp. Lơi ta mâu chroh, ƀiălah chroh hom!”

Yôhan 5:30

Gâp nơm mâu dơi ƀư êng du ntil kan ôh; Gâp phat dôih tĭng nau Gâp tăng, jêh ri nau Gâp phat dôih jêng nau sŏng, yorlah Gâp mâu joi tĭng nau gâp ŭch, ƀiălah joi tĭng nau mĭn Nơm hŏ njuăl jêh Gâp.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.