Êsai 40:3 - Nau Brah Ndu Ngơi 2023

³ Geh bâr nter tâm bri rdah: “Pơk hom du trong ma Brah Yêhôva; Ƀư hom ăn sŏng du trong toyh tâm ndrêch rdah ma Brah Ndu he!

Êsai 40:3 Iomraidhean Croise

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 40:4

Lĕ rngôch rlŭng mra hao ta klơ, Lĕ rngôch yôk mbon mra hŭch tâm dâng; Lĕ ntŭk rklĭng mra ƀư ăn lâng, Lĕ ntŭk ntu lŭng mra plơ̆ jêng neh lâng.

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 49:11

Gâp mra ăn lĕ rngôch yôk Gâp plơ̆ jêng trong hăn, Jêh ri lĕ trong toyh Gâp bu mra dơi ƀư n'hao.

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Yôhan 1:23

Păng plơ̆ lah: “Gâp jêng bâr bunuyh kuăl nter tâm bri rdah, ‘Ƀư sŏng hom trong Kôranh Brah,’ nâm nau nơm mbơh lor Y-Êsai hŏ lah jêh.”