Êsai 4:5 - Nau Brah Ndu Ngơi 2023

⁵ ta klơ lam ntŭk yôk Siôn jêh ri ta klơ phung ƀon tâm rƀŭn, Brah Yêhôva mra rhăk ndâr tŭk dôl nar, nhhŭk ŭnh jêh ri nau ang mpiăt ŭnh tâm dôl măng. Yorlah mra geh ndơ đôr nkŭm ta klơ lĕ rngôch ndơ chrêk rmah;

Êsai 4:5 Iomraidhean Croise

Nêhêmi 9:12

Nôk nar Kôranh Brah njŭn leo khân păng ma n'gâng tŭk Jêh ri bri măng ma n'gâng ŭnh gay nchrat ang tâm trong khân păng hăn rgăn.

Nau Mprơ Ơm 105:39

Brah Yêhôva ăn ndâr tŭk gay nkŭm khân păng, Jêh ri dôl măng geh ŭnh sol trong khân păng.

Nau Mprơ Ơm 111:1

Halêluya! Gâp mra tâm rnê ma Brah Yêhôva, ma lĕ nuih n'hâm, Tâm phung sŏng jêh ri ta klang phung tâm rƀŭn.

Nau Mprơ Ơm 78:14

Păng njŭn khân păng nôk nar ma ndâr tŭk, Jêh ri lĕ dôl măng ma ŭnh ang.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Ngluh Êjipt 14:24

Kêng ơm ôi, Brah Yêhôva bơh n'gâng tŭk jêh ri n'gâng ŭnh gŭ uănh ma phung tahan Êjipt jêh ri ƀư ma khân păng uh ah.

Nau Ngluh Êjipt 24:16

Nau chrêk ma lơp Brah Yêhôva gŭ klơ yôk Sinai. Tâm prao nar, tŭk nkŭm yôk; tât nar tal pơh Brah Yêhôva kuăl Y-Môis tă bơh nklang ndâr tŭk.

Nau Ngluh Êjipt 26:1

“Ăn may dŏng hom jât blah bok gay ƀư Ngih Bok. Khân păng tanh ma rse mhay rhên, brai ĭr, brai chăng krăk, jêh ri brai sut, geh cheh rup chêrubim ma nau nê̆ ueh ngăn.

Nau Ngluh Êjipt 26:7

May ƀư đŏng jât ma nguay blah bok ma rsau be gay ƀư bok nkŭm ta klơ Ngih Bok.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”