Êsai 4:4 - Nau Brah Ndu Ngơi 2023

⁴ Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsai 4:4 Iomraidhean Croise

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 1:25

Gâp mra yơr ti tâm rdâng tay đah may, Ƀư ăn may kloh lĕ ndŏk nâm bu ƀư kloh mah, Jêh ri sŏk lơi lĕ ndruyh ndrak bơh may.

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 28:6

Păng mra jêng Brah Nau Di prăp ma kôranh gŭ phat dôih, Jêh ri jêng nau ktang ăn ma phung mprơh phung rlăng tâm lơh rŭch bơh mpông ƀon.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Yêrêmi 9:6

Brah Yêhôva lah: “May dôl gŭ rêh tâm nau mƀruh nây; Yorlah nau mƀruh khân păng dun nau gĭt năl Gâp.”

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Êsêkiêl 22:15

Gâp mra ƀư ma may chah rai pru pra du ta nklang ntil mpôl bunuyh êng, mprơh may lam bri dak êng, jêh ri Gâp mra ƀư rai lơi nau ƀơ̆ ƀơch tă bơh nklang may.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:29

Gâp mra tâm rklaih khân may bơh lĕ rngôch nau ƀơ̆ ƀơch. Gâp mra kuăl ba ƀlê ueh, ăn chăt hon ntop âk jêh ri mâu ăn nau sât ji ngot tât ma khân may.

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Sôphôni 3:1

Rêh ni ngăn ma ƀon tâm rdâng jêh ri ƀơ̆ ƀơch, Jêng ƀon toyh ƀư nau tŭn jot!

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!