Êsai 4:1 - Nau Brah Ndu Ngơi 2023

¹ Tâm nar nây, pơh nuyh bu ur mra kuăn rdâng du huê bu klâu jêh ri lah: “Hên mra sa ndơ sông sa hên nơm jêh ri soh bok ao hên nơm, Knŏng ăn bu rnha hên ma amoh may; Dăn may sŏk lơi nau bêk hên.”

Êsai 4:1 Iomraidhean Croise

Nau Ntơm 30:23

Păng ntreo jêh ri deh du huê kon bu klâu. Păng lah: “Brah Ndu hŏ sŏk lơi jêh nau bêk prêng ma gâp.”

II Samuel 6:23

Yor ri, H'Mikal, kon bu ur Y-Sôl, mâu geh ôh kon n'ho ma tât nar păng khĭt.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 13:12

Gâp mra ăn bunuyh mpêt lơn ma mah kloh, Ăn ma kon bunuyh mpêt lơn mah bơh bri Ôphir.

Êsai 17:7

Tâm nar nây, phung bunuyh mra mĭn ma Nơm Rhăk Njêng khân păng, jêh ri măt khân păng nge nger uănh ta Nơm Kloh Ueh Israel.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 3:6

Dôl bu mra nhŭp oh nâu păng Tâm ngih mbơ̆ păng jêh ri lah: “May hôm geh ao jâr, Ăn may ƀư jêng kôranh chiă uănh hên, Jêh ri mbŭch rlâm nchah aơ Mra gŭ tâm dâng nau dơi may!”

Êsai 54:4

“Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Luka 1:25

“Kôranh Brah hŏ ăn nau yô̆ ma gâp. Tâm lĕ nar nây, Păng yô̆ nđach gâp jêh ri sŏk lơi nau prêng gâp ta nklang lĕ rngôch bunuyh.”

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

II Têsalônik 3:12

Tâm Kôranh Brah jêng Brah Yêsu Krist, hên ntrŭnh jêh ri nkah phung nây, ăn khân păng gŭ rklăk pah kan gay siăm nau rêh ma khân păng nơm.

I Samuel 1:6

Nơm tâm djrel ma păng vay rkhŏch rhiăl ma păng gay ƀư ăn păng ji nuih, yorlah Brah Yêhôva hŏ ƀư ăn păng mâu bă kon.