Êsai 39:1 - Nau Brah Ndu Ngơi 2023

¹ Tâm rnôk nây, hađăch Babilôn jêng Y-Mêrôdak Baladan, kon bu klâu hađăch Baladan, prơh bunuyh hăn njŭn samƀŭt jêh ri ndơ nhhơr ăn ma hađăch Hêsêkia, yorlah tăng lư păng ji jêh ri bah jêh.

Êsai 39:1 Iomraidhean Croise

II Samuel 10:2

Y-Đavit lah: “Gâp ŭch mpơl nau rŏng dơh dăch ma Y-Hanun, kon Y-Nahas, nâm bu mbơ̆ păng nơm ƀư nau ueh ma gâp.” Pônây Y-Đavit prơh phung oh mon păng gay bonh leng hađăch nĕ yor nau khĭt mbơ̆ păng. Pônây, phung oh mon Y-Đavit hăn tât tâm n'gor phung Ammôn.

II Samuel 8:10

Y-Toi prơh Y-Jôram, kon păng nơm, tât mbah ma hađăch Đavit, jêh ri mât ton ma păng tâm lơh jêh ri dơi jêh đah Y-Hadadêser; yorlah Y-Hadadêser vay tâm lơh đah Y-Toi. Y-Jôram djôt leo ndrel păng ndô ndơ prăk, mah, jêh ri kông ma hađăch Đavit.

II Nau Rêh Jêng 32:23

Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

II Nau Rêh Jêng 32:31

Ƀiălah tơlah phung mbơh hađăch Babilôn prơh hăn tât gay ôp ma nau mbên khlay hŏ geh jêh tâm n'gor păng, pôri Brah Ndu du, ƀât lât gay ŭch rlong uănh păng, jêh ri ŭch gĭt lĕ rngôch ntil nau tâm nuih n'hâm păng.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 14:4

khân may mra lah nau mưch rmot aơ ma hađăch Babilôn pô aơ: “Nơm tŭn jot lĕ tât nôk phat dôih jêh! Nau păng ji nuih nglĕ dŭt jêh!

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.