Êsai 30:3 - Nau Brah Ndu Ngơi 2023

³ Yor nây, nau Pharaôn n'gang mra plơ̆ jêng nau bêk prêng ma khân may, Nau nde tâm dâng gui bri Êjipt mra ƀư bêk ma khân may.

Êsai 30:3 Iomraidhean Croise

II Phung Hađăch 18:21

Aơ, may rnơm nsing ma n'gor Êjipt hĕ? Ƀiălah Êjipt knŏng tâm ban du mâng ma tơm rpho lĕ deh jêh; tơlah mbu nơm rnơm nsing ma păng, păng mra ntâp bluh lăp tâm ti. Tơlah mbu nơm rnơm nsing ma Pharaôn, hađăch Êjipt, tâm ban pônây.’

Nau Mprơ Ơm 108:12

Dăn Brah Ndu kơl hên tâm rdâng đah phung rlăng, Yorlah nau kon bunuyh kơl an jêng dơm dam.

Nau Hôr 25:19

Rnơm nsing ma nơm ƀlăch ƀlêr tâm nar uh ah Nâm bu sêk pă, nâm bu jâng glet.

Êsai 20:5

Rnôk nây, mbu uănh bri Kus jêng nau kâp gân, jêh ri uănh Êjipt jêng nau hưn ma păng mra klach krit jêh ri bêk prêng.

Êsai 20:6

Tâm nar nây, phung gŭ rgŏ kơh dak mƀŭt mra lah pô aơ: ‘Aơ, phung mpôl băl bunuyh he uănh geh nau kâp gân, jêh ri nchuăt tât gay tâm rklaih bơh hađăch bri Asiri, aƀaơ ri păng hŏ jêng nâm bu kơt nĕ yơh! He mâm he dơi klaih?’”

Êsai 36:6

Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 46:25

Brah Yêhôva ma phung tahan, Brah Ndu Israel, lah: “Aơ, Gâp mra tâm rmal ma phung Amôn, jêng brah ta ƀon Thêbes, Pharaôn jêh ri bri Êjipt, ndrel phung brah jêh ri phung hađăch păng: nây jêng hađăch Pharaôn nđâp ma phung rnơm nsing ma păng.

Êsêkiêl 29:7

Tơlah khân păng yơr ti kuăn may, may lĕ pă jêh ri ƀư hêk lĕ rngôch bar đah săng nglik khân păng. Tơlah khân păng nsing mbin ta may pôri may pă deh jêh ri ƀư rlâm gang bŭt khân păng.’

Ndrom Samƀŭt bơh Ôsê 10:6

Tâm ban lĕ păng bu mra djôt leo ma bri Asiri Nhhơr ma hađăch toyh bri dak aơ. Rnôk nây, Êphraim mra bêk prêng, Israel mra bêk ma nau plĕch rlăm khân păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 10:11

Nau Brah Ndu Ngơi lah: “Mbu nơm chroh ma Păng mâu mra bêk prêng ôh.”

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.