Êsai 3:12 - Nau Brah Ndu Ngơi 2023

¹² Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 3:12 Iomraidhean Croise

II Phung Hađăch 11:1

Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

Ndrom Samƀŭt bơh Yôp 30:13

Khân păng ƀư rai trong gâp du luh, Nsrôih tĭng nkhĭt gâp; Mâu ŭch geh bunuyh kơl khân păng.

Nau Hôr 28:16

Phung kôranh chiă uănh mâu geh nau gĭt vât knŏng rvê nau tŭn jot, Ƀiălah bunuyh tâm rmot sa ndơ bu mâu tâm di mra dơi rêh jŏ năm.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Êsai 19:14

Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Êsai 3:4

Gâp mra ăn phung ndăm ƀĭt gai khân păng, Jêh ri phung kon se mra chiă uănh khân păng.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Nahum 3:13

Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.