Êsai 3:11 - Nau Brah Ndu Ngơi 2023

¹¹ Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 3:11 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

I Phung Hađăch 21:21

Yor ri, Păng lah: ‘Gâp mra ăn tât nau mhĭk ma may. Gâp mra pih kloh noi deh may, ƀư rai lĕ rngôch phung bu klâu ngih Y-Ahap, nđâp lah nơm ƀư dĭk mâu lah kon me tâm n'gor Israel.

II Nau Rêh Jêng 6:23

rnôk nây dăn ma May klơ trôk rkêng tôr iăt jêh ri ƀư an. Dăn phat dôih ma phung oh mon May: mplơ̆ plơng ma bunuyh mhĭk tĭng nâm trong păng jêh ri ƀư ma nau tih păng nkhŭt tay klơ bôk păng nơm, kơp nau sŏng srăng ma bunuyh nơm sŏng srăng jêh ri nkhôm ma păng tĭng nâm nau sŏng srăng păng.

Ndrom Samƀŭt bơh Yôp 10:15

Tơlah gâp ƀư tih, rêh ni ngăn ma gâp! Tơlah geh nau sŏng srăng, gâp mâu janh đŏng n'gơr bôk, Yorlah gâp bêng ma nau prêng, Jêh ri jâk jêr ma nau rngot rvê.

Nau Mprơ Ơm 28:4

Ăn May rmal khân păng tĭng nâm nau kan khân păng, Jêh ri tĭng nâm nau djơh mhĭk khân păng ƀư; Ăn May mplơ̆ sĭt tĭng nâm kan ti khân păng hŏ ƀư jêh, Jêh ri rmal khân păng khư ma nau tih khân păng.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 11:31

Tơlah bunuyh sŏng srăng dơi mplơ̆ sĭt ta neh ntu aơ, Pôri nơm djơh mhĭk jêh ri nau tih mra mplơ̆ sĭt tanăp măt!

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Nơm Nti 8:13

Ƀiălah phung mhĭk mâu mra dơi geh nau ueh uĭn, ăt mâu mra rêh jŏ ôh; nau rêh phung mhĭk rlau ngăch nâm bu gui yorlah khân păng mâu klach yơk ma Brah Ndu.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 48:22

Ƀiălah Brah Yêhôva lah: “Mâu geh nau đăp mpăn ôh ma phung ƀai.”

Êsai 65:20

Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Êsai 65:6

Aơ jêng nau hŏ nchih prăp jêh tanăp Gâp: “Gâp mâu mra gŭ rklăk ôh, ƀiălah mra plơng bôk; Ngăn yơh, Gâp mra plơng bôk di nanê̆

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 31:30

Ƀiălah ăp nuyh mra khĭt yor nau tih mhĭk păng nơm; ăp nơm mbu moh sa play krăk ƀâu srat pôri nơm nây mra kĭr sêk.”

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 2:10

Păng pơk du ndrom samƀŭt nây tanăp gâp. Nây jêng ndrom samƀŭt geh nau nchih tâm trôm nđâp padih, nchih jêh ta nây nau ngơi nhĭm nhhiăng, nau klâng rvê, jêh ri nau rêh ni.

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Phung Kôranh Phat Dôih 9:57

Brah Ndu tâm ban đŏng mplơ̆ plơng ma phung ƀon lan ƀon toyh Sichem yor lĕ rngôch nau djơh khân păng ƀư jêh. Nau mhĭk ăn tât klơ bôk khân păng di nâm nau rak rtăp Y-Jôtham, kon bu klâu Y-Jêrubaal.