Êsai 26:8 - Nau Brah Ndu Ngơi 2023

⁸ Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 26:8 Iomraidhean Croise

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 130:5

Gâp kâp gân Brah Yêhôva, huêng gâp kâp gân Păng; Gâp kâp gân tâm nau Păng ngơi.

Nau Mprơ Ơm 18:23

Gâp gŭ ueh nŭm rĭng tanăp Păng Jêh ri prăp gâp nơm rklaih bơh nau mhĭk.

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Nau Mprơ Ơm 73:25

Ta klơ trôk padih May mâu hôm geh bunuyh ôh? Bi ta neh ntu gâp mâu hôm ŭch rŏng ma bu êng rlau ma May.

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Mprơ Ueh 5:8

Hơi phung bu ur druh ƀon Yêrusalem, gâp vơl dăn ma khân ay, Tơlah mâp nơm gâp rŏng, Dăn mbơh ma păng pô aơ Gâp dôl kop yor nau rŏng.

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 26:13

Ơ Yêhôva Brah Ndu hên, Rlau ma Păng, hên hŏ tă geh phung kôranh êng chiă uănh, Ƀiălah aƀaơ, hên knŏng rnơm nsing du huê May dơm Jêh ri vah vơl dăn ma amoh May.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 56:1

Brah Yêhôva lah: “Djôt prăp hom nau sŏng Jêh ri ƀư hom nau sŏng srăng, Yorlah nau Gâp tâm rklaih dăch jêh, Nau sŏng srăng Gâp dăch tâm mpơl jêh.

Mika 4:5

Lĕ rngôch mpôl băl bunuyh chuat tĭng Amoh brah păng, Ƀiălah he mra chuat tĭng amoh Yêhôva Brah Ndu he Kŏ tât ƀaƀơ n'ho ro!

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Nau Kơp Bunuyh 36:13

Nây jêng nau vay ntăm jêh ri nau vay ƀư bơh Brah Yêhôva hŏ ntĭnh ma phung ƀon lan Israel găn Y-Môis ta neh lâng n'gor Môap, dăch dak krong Yurdan tâm tra đah ƀon Yêrikô.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Kôranh Oh Mon 1:4

Tâm nôk Păng mâp ndrel ma phung kôranh oh mon, Păng ntĭnh ma khân păng: “Lơi luh du tă bơh ƀon Yêrusalem, ƀiălah gŭ kâp ta nây, gŭ kâp ma nau Mbơ̆ hŏ ton jêh, jêng nau khân may hŏ tăng jêh Gâp lah.

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

II Têsalônik 3:5

Dăn Kôranh Brah leo ntĭm nuih n'hâm khân may văch ma nau Brah Ndu rŏng jêh ri ma nau srôih tâm Brah Krist!