Êsai 26:2 - Nau Brah Ndu Ngơi 2023

² Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 26:2 Iomraidhean Croise

Nau Mprơ Ơm 106:5

Gay ma gâp dơi saơ nau ndrŏng phung May săch jêh, Dơi gŭ ndrel đah nau maak phung ƀon lan May, Jêh ri dơi tâm rnê ma gâp nơm ma drăp ndơn May.

Nau Mprơ Ơm 118:19

Pơk an ma gâp lĕ mpông pêr nau sŏng srăng, Gâp mra hăn lăp gay tâm rnê ma Brah Yêhôva.

Nau Mprơ Ơm 118:20

Aơ jêng mpông pêr Brah Yêhôva; Phung sŏng srăng mra lăp ta nây.

Nau Mprơ Ơm 24:7

Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 60:11

Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Sakari 8:20

Brah Yêhôva ma phung tahan lah: “Âk ntil mpôl bunuyh jêh ri phung gŭ tâm âk rplay ƀon toyh mra văch;

Kôranh Oh Mon 2:47

tâm rnê ma Brah Ndu jêh ri geh nau yô̆ tanăp lĕ rngôch bunuyh. Ăp nar, Kôranh Brah ntop rnoh bunuyh dơi rklaih lăp tâm Phung Ngih Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.

Nau Tâm Mpơl 21:24

Phung mpôl băl bunuyh mra nhuat hăn tă bơh nau ang ƀon; phung hađăch tâm neh ntu mra djôt nau chrêk rmah khân păng nơm lăp ta nây.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,