Êsai 26:11 - Nau Brah Ndu Ngơi 2023

¹¹ Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 26:11 Iomraidhean Croise

Ndrom Samƀŭt bơh Yôp 34:27

Yorlah khân păng dun tĭng Kôranh Brah, Mâu mĭn rvê ôh lĕ rngôch trong Păng.

Nau Mprơ Ơm 10:12

Brah Yêhôva ơi! Dăn dâk hom; Brah Ndu ơi! Dăn yơr hom ti Kôranh Brah; Lơi ta chuêl ôh phung rêh ni.

Nau Mprơ Ơm 21:8

Ti hađăch mra dơi nhŭp lĕ rngôch phung rlăng đah păng; Ti ma hađăch mra geh nhŭp phung tâm rmot ma păng.

Nau Mprơ Ơm 28:5

Yorlah khân păng mâu gĭt năl ôh lĕ nau kan Brah Yêhôva, Jêh ri kan ndâk ti Păng ƀư. Păng mra ƀư rlâm khân păng, Mâu hôm rdâk khân păng đŏng ôh.

Nau Mprơ Ơm 78:63

Ŭnh sa phung bu klâu ndăm khân păng, Phung bu ur druh khân păng mâu hôm tăng mprơ tâm nkol ôh.

Nau Mprơ Ơm 86:17

Dăn May ăn du nau tâm mbên ma nau May yô̆ ma gâp Gay ma phung tâm rmot ma gâp dơi saơ nau mbên nây jêh ri bêk prêng, Yorlah Ơ Brah Yêhôva, May yơh hŏ kơl jêh ri bonh leng gâp.

Nau Ngluh Êjipt 9:14

Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 11:13

Aƀaơ, nau mâu nach tâm phung Êphraim mâu hôm geh, Bu mra ƀư rai lơi phung ƀư mhĭk ma phung Yuđa; Phung Êphraim mra mâu mra hôm mâu nach ma phung Yuđa, Jêh ri phung Yuđa mâu hôm ji nuih ma phung Êphraim ôh.

Êsai 18:3

Ơ lĕ rngôch phung gŭ tâm neh ntu, Jêng phung rêh ta klơ neh! Lah bu n'hao jêh n'ha kơ ta klơ yôk, Ăn khân may uănh hom! Lah bu uh nŭng, Ăn khân may iăt!

Êsai 37:32

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 44:9

Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Mika 5:9

Brah Yêhôva lah: “Nau tât tâm nar nây Gâp mra ƀư rai lơi seh may tă bơh may. Jêh ri ƀư rai lĕ rngôch ndeh seh may.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Mika 7:16

Lĕ rngôch bri dak saơ nau nây mra geh nau bêk prêng Ma nau dăng khân păng; Khân păng mra dơm ti ta trôm mbung, Jêh ri tôr khân păng mra tê̆k.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Luka 16:23

Bunuyh ndrŏng gŭ tâm ƀon phung khĭt geh nau nđêh nji, n'gơr măt uănh saơ Y-Abraham bơh ngai jêh ri Y-Lasar gŭ ta ntang ntơh păng.

Kôranh Oh Mon 28:27

Yorlah nuih n'hâm phung ƀon lan aơ plơ̆ jêng ngo klĕng, Tôr khân păng rngêl, Măt khân păng nhêp. Klach lah măt khân păng saơ, Tôr khân păng tăng, Nuih n'hâm khân păng gĭt rbăng, Jêh ri khân păng plơ̆ tay, Gay ma Gâp ƀư bah khân păng hĕ.’

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

ហេឞ្រើ 10:27

ƀiălah klach ngăn gŭ kâp ma nau phat dôih jêh ri ŭnh hit ngăn mra sa phung tâm rdâng.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

I Samuel 6:9

Khân may kâp uănh hom: Tơlah Hip Nau Tâm Rnglăp hăn hao tât mpeh n'gor bri păng nơm, jêng mpeh ma Bet-Sêmes, pôri Brah Yêhôva yơh nkhŭt nau mhĭk toyh aơ ta klơ he. Tơlah mâu di, pôri he mra gĭt pô aơ mâu di ti Păng rmal ma he, ƀiălah nau tât nây dơi tât tĭng nâm nau tât êng yơh.”