Êsai 26:10 - Nau Brah Ndu Ngơi 2023

¹⁰ Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 26:10 Iomraidhean Croise

II Phung Hađăch 13:6

Ƀiălah, khân păng mâu chalơi ôh nau tih ngih Y-Jêrôbôam, jêng nau nsŭk phung Israel ƀư tih; khân păng ăt ƀư nau tih nây, kŏ tât n'gâng mbah brah bu ur Asêrah ăt gŭ tâm Samari.

Nau Mprơ Ơm 106:43

Âk tơ̆ Kôranh Brah tâm rklaih khân păng, Ƀiălah khân păng sâl tâm rdâng đah Păng. Jêh ri gŭ ngâm tâm nau tih.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 69:27

Dăn Kôranh Brah tâm rmal nau tih dăp bun khân păng; Lơi ăn khân păng dơn geh nau sŏng srăng May.

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 9:30

Ƀiălah gâp gĭt may jêh ri phung oh mon may ê hŏ klach yơk ma Yêhôva Brah Ndu.”

Nau Ngluh Êjipt 9:34

Lah saơ mih, mih tŭp pler jêh ri ndâr nglaih hŏ nsrŭng jêh, Pharaôn jêh ri phung oh mon păng ăt ƀư tih tay, dăng nuih n'hâm tay tâm ban nâm ơm.

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 2:10

Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 32:6

Yorlah bunuyh rluk mra ngơi lĕ nau rluk, Nuih n'hâm khân păng mĭn ƀư nau mhĭk Gay ŭch ƀư nau ƀơ̆ ƀơch, Ngơi nau mhĭk đah Brah Yêhôva; Ƀư ma bunuyh ji ngot gŭ ndŭl hŏng, Jêh ri nơm ji hir mâu dơi nhêt dak.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Mathay 4:5

Brah mhĭk njŭn leo Păng tât ta ƀon kloh ueh, n'gân Păng ta klơ chor ngih brah,

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.

I Samuel 15:17

Y-Samuel lah: “Nôk may saơ may nơm hôm jê̆, mâu hĕ may jêng kôranh ma phung mpôl băl Israel? Mâu di hĕ Brah Yêhôva tŏ dak ƀâu kah ăn may chiă uănh ma phung Israel?