Êsai 22:2 - Nau Brah Ndu Ngơi 2023

² Ơ ƀon bêng ma nau drưh drưh drơu drơu, Jêng ƀon toyh maak răm ri! Phung khân may bu nkhĭt mâu yor ma đao ôh, Mâu lĕ khân păng khĭt tâm nau tâm lơh.

Êsai 22:2 Iomraidhean Croise

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 23:7

Di lĕ aơ jêng ƀon khân may hâk răm? Jêng ƀon geh bơh rnôk ơm kăl e Jâng păng hŏ njŭn leo păng Tât ta gŭ lĕ nkual ngai.

Êsai 32:13

Yor neh phung ƀon lan Gâp, Hon tơm lok jêh ri pih pŭm, Yor lĕ rngôch ngih maak tâm ƀon răm maak. Mâu hôm geh ôh.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Êsai 37:33

Yor nây, Brah Yêhôva lah ma hađăch Asiri kơt aơ: ‘Păng mâu mra lăp ƀon aơ ôh, mâu mra pănh tong hăr ta nây, mâu đŏng sŏk khêl mâu lah bât pôih gay rduh lơh ƀon.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 38:2

“Brah Yêhôva lah: ‘Mbu nơm hôm gŭ tâm ƀon aơ mra khĭt ma tak đao, ma nau sa sât ji ngot, mâu lah ma nau ji tưp; ƀiălah mbu nơm luh jao săk păng nơm ma phung Kaldê mra dơi rêh; khân păng mra dơi rklaih nau rêh nâm bu geh drăp ndơ jêh ri mra rêh.’

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Nau Nhĭm Vơl 2:20

Ơ Brah Yêhôva dăn mêt uănh! Mbu may hŏ ƀư nâm bu pô aơ? Mâm ƀư me păng sa lơi play proch khŭng păng nơm, Nây jêng phung kon păng nơm dôl ut ra u tâm ti? Mâm ƀư kôranh ƀư brah jêh ri nơm mbơh lor Geh lĕ bu nkhĭt tâm jrô kloh ueh Kôranh Brah?

Êsêkiêl 22:5

Phung gŭ dăch tâm ban phung gŭ ngai mra gơm mưch ma may, jêng ƀon prêng, bêng ma nau drơu drơu.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!