Êsai 21:3 - Nau Brah Ndu Ngơi 2023

³ Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 21:3 Iomraidhean Croise

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 16:9

Yor nây, ndrel ma nau nhĭm nhhiăng Jaser, Gâp nhĭm ma đang krăk ƀâu Sipma. Ơ Hêsbôn, Êlêaleh, Gâp mra djrah dak măt ta khân may, Yor nau troh nter nơm plên play krăk ƀâu dôl pĕ play tâm yan vai, Jêh ri yan rek khân may mâu hôm geh ôh!

Êsai 26:17

Ơ Brah Yêhôva, tanăp măt May, Hên tâm ban ma du huê bu ur ntreo dăch ji deh, Rngot klâng, vơl nter tâm nau nđêh ji ngăn.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 49:22

Aơ, nơm rlăng mpăr prêh jêh ri mpăr nâm bu klang, lĭ nting năr nkŭm lam ta ƀon Bôsra. Tâm nar nây, nuih n'hâm phung tahan tâm bri Êđôm mra jêng nâm bu nuih n'hâm du huê bu ur veng deh.

Yêrêmi 50:43

Tăng lư nau nây, Ti jâng hađăch Babilôn hươi ra ai ngăn, Nau klach krit rêt nâp ta păng Ƀư ma păng ji kruăn rêt nâm bu ur ji deh.

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Yôhan 16:21

Bu ur dôl deh kon geh nau ji glăm, yorlah mông păng nơm tât jêh, ƀiălah dôl păng deh kon jêh, păng mâu hôm kah gĭt ôh nau ji glăm, ƀiălah păng răm, yorlah du huê bunuyh hŏ deh jêh tâm neh ntu.

Nau Vay Nkah Tay 28:67

Kêng ôi khân may mra lah: ‘ndah ma măng tât!’ Mhaơ jêh khân may lah tay: ‘ndah ma trôk ang!’ — yorlah nau klach bêng tâm nuih n'hâm khân may yorlah lĕ ntil nau măt khân may hŏ saơ.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.