Êsai 21:2 - Nau Brah Ndu Ngơi 2023

² Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 21:2 Iomraidhean Croise

Nau Ntơm 10:22

Phung kon bu klâu Y-Sem jêng Y-Êlam, Y-Asur, Y-Arpaksat, Y-Lut jêh ri Y-Aram.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Nau Mprơ Ơm 119:158

Gâp saơ phung mâu gŭ răp jăp jêh ri gâp mưch rmot khân păng Yorlah khân păng mâu djôt prăp nau May ntăm ôh.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 79:11

Ăn nau phung bu nă nter vơl tât tanăp May; Tĭng nâm nau brah May dŭt toyh ngăn ngên, Dăn tâm rklaih phung dôl tâm mâp đah nau khĭt.

Nau Hôr 13:15

Nau gĭt rbăng ngăn dơi dơn nau yô̆, Ƀiălah trong phung blau plĕch bêng nau rêh ni.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 14:4

khân may mra lah nau mưch rmot aơ ma hađăch Babilôn pô aơ: “Nơm tŭn jot lĕ tât nôk phat dôih jêh! Nau păng ji nuih nglĕ dŭt jêh!

Êsai 14:7

Aơ lĕ neh ntu geh nau rlu tâm nau đăp mpăn; Troh mprơ ma nau răm maak!

Êsai 22:6

Phung Êlam cheng bĭ dơm hăr Ndrel ma ndeh seh jêh ri phung tahan ncho seh, Bi phung Kir djôt khêl rơm ndrăp tâm lơh.

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Yêrêmi 25:25

lĕ rngôch hađăch Simri, lĕ rngôch hađăch Êlam, lĕ rngôch hađăch Mêdơ;

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Yêrêmi 45:3

‘May hŏ lah jêh: Rêh ni ngăn ma gâp! Yorlah Brah Yêhôva hŏ ntop jêh nau rngot ma nau ji gâp; gâp huơi yor nhĭm vơl, mâu geh nau rlu ôh!’”

Yêrêmi 49:34

Rnôk Y-Sêdêkia, hađăch Yuđa ntơm chiă uănh, geh nau Brah Yêhôva lah ma nơm mbơh lor Y-Yêrêmi ma bri Êlam.

Yêrêmi 49:35

Brah Yêhôva ma phung tahan lah: “Aơ, Gâp mra nkê̆ch lơi na bri Êlam jêng tơm nau dăng ktang păng.

Yêrêmi 50:14

Ơ phung khân may jêng nơm van na! Dăp hom phung tahan nchueng jŭm Babilôn; Pănh hom păng, lơi nhhuach lĕ chiông hăr Yorlah păng hŏ ƀư tih jêh đah Brah Yêhôva.

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Nau Nhĭm Vơl 1:22

Ăn lĕ rngôch nau mhĭk khân păng mpơl tanăp măt May! Ăn May rmal khân păng Nâm bu May hŏ rmal jêh gâp Yor lĕ rngôch nau tih gâp hŏ ƀư jêh; Gâp hŏ vah vơl âk ngăn Jêh ri nuih n'hâm gâp huănh klêu.”

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Daniel 5:9

Hađăch Belsasar rŭng răng ngăn, muh măt păng êr lơn, jêh ri phung kôranh păng mâu gĭt moh ƀư.

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

Daniel 8:20

Biăp nkuăng may saơ jêh geh bar mlâm nke jêng phung hađăch Mêdơ jêh ri hađăch Persi.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.

I Samuel 24:13

Brah Yêhôva mra plơng bôk may jêh ri gâp; ƀiălah gâp mâu yơr ti ƀư ma may ôh.