Êsai 21:1 - Nau Brah Ndu Ngơi 2023

¹ Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 21:1 Iomraidhean Croise

Ndrom Samƀŭt bơh Yôp 37:9

Phŭt sial tă bơh mpeh pa dâng, Sial ji kăt tă bơh mpeh pa lơ.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 14:14

Gâp mra hao prêh lơn ma ndâr tŭk, Ƀư ma gâp tâm ban ma Nơm Dŭt Prêh.”

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 17:1

Nau mbơh lor ma Damas: “Aơ, ƀon Damas mâu hôm mra jêng du rplay ƀon toyh ôh Păng mra jêng du mbŭch ndơ rai.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 51:1

Brah Yêhôva lah: “Aơ Gâp mra ƀư du sial ƀư rai, Hao ƀư rai đah Babilôn, Jêh ri phung ƀon lan gŭ tâm bri Kaldê.

Yêrêmi 51:42

Dak Mƀŭt lip bŭk jêh bri Babilôn, Lĕ nau rbuh dak ji nuih nkŭm ngâm păng.

Yêrêmi 51:51

Hên bêk prêng yorlah tăng nau bu nduyh; Nau prêng nkŭm ta muh măt hên Yorlah phung bu năch hŏ lăp jêh Tâm ntŭk kloh ueh ngih Brah Yêhôva.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Êsêkiêl 30:11

Hađăch nây ndrel ma phung ƀon lan păng jêng phung djơh mhĭk tâm lĕ phung mpôl băl bunuyh, Mra dơi leo lăp gay ƀư rai bri dak. Khân păng mra tŏk đao tâm lơh đah Êjipt Jêh ri ƀư ma bri dak aơ bêng ma săk jăn khĭt.

Êsêkiêl 31:12

Du phung djơh janh lơn tâm lĕ rngôch phung bu năch mra kăl păng jêh ri chalơi. Đơ n'gĭng păng tŭp lĕ klơ yôk jêh ri tâm lĕ rngôch rlŭng; lĕ n'gĭng păng lĕ pă ntŭk kơh dak tâm n'gor jêh ri lĕ rngôch ƀon lan ta neh ntu der ngai tă bơh n'hâm păng jêh ri chalơi păng.

Êsêkiêl 38:9

May jêh ri nđâp ma phung tahan may ndrel ma phung mpôl băl bunuyh gŭ ndrel may mra rduh ran panăp, rduh lơh nâm bu phŭt chuănh, nâm bu ndâr tŭk nkŭm lam bri neh.’”

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.