Êsai 2:5 - Nau Brah Ndu Ngơi 2023

⁵ Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 2:5 Iomraidhean Croise

Nau Mprơ Ơm 36:10

Dăn May ăn nau ueh ma phung gĭt năl May Jêh ri ăn nau sŏng srăng May ma phung geh nuih n'hâm sŏng.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Nau Mprơ Ơm 89:16

Khân păng răm maak ăp nar tâm amoh May, Yor ma nau sŏng srăng May, khân păng geh nau yơk.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

I Yôhan 1:5

Aơ jêng nau nti hên tăng jêh bơh Păng jêh ri mbơh ma khân may: Brah Ndu jêng nau ang, tâm Păng mâu geh nau ngo ôh.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.