Êsai 2:2 - Nau Brah Ndu Ngơi 2023

² Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 2:2 Iomraidhean Croise

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

Ndrom Samƀŭt bơh Yôp 19:25

Bi gâp, gâp gĭt Nơm Tâm Chuai gâp hôm e rêh. Tât nglĕ dŭt Păng mra dâk ta neh ntu.

Nau Mprơ Ơm 102:23

Brah Ndu ƀư rdja jêh nau ktang gâp ta nklang trong; Ƀư gleh lơi nar khay gâp gŭ rêh.

Nau Mprơ Ơm 2:8

Dăn hom tă bơh Gâp, Gâp mra ăn lĕ bri dak jêng drăp ndơn ma Kon, Jêh ri lam lĕ rplay neh jêng drăp ndơ ma Kon.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 22:28

Yorlah ƀon bri hađăch jêng ndơ Brah Yêhôva, Păng chiă uănh phung mpôl băl bunuyh.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 87:1

Păng n'gân mbon ma ƀon Păng Ta klơ yôk kloh ueh.

Nau Mprơ Ơm 87:2

Brah Yêhôva rŏng ma lĕ mpông pêr Siôn Rlau lơn lĕ ntŭk Yakôb gŭ.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 30:29

Aƀaơ, khân may mra mprơ tâm ban ma tâm măng bu ƀư nau rƀŭn kloh ueh. Khân may mra geh nuih n'hâm maak tâm ban ma nơm uh n'hôm hăn hao ta klơ yôk Brah Yêhôva, văch ma Lŭ Toyh Israel.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 30:24

Nau ji nuih gring gring Brah Yêhôva hâu ngăn mâu mra djoh ôh Kŏ tât Păng ƀư jêh ri ăn jêh Lĕ nau ŭch mĭn tâm nuih n'hâm Păng. Tâm nar nglĕ dŭt, Khân may gĭt rbăng nau nây.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Yêrêmi 49:39

Ƀiălah tâm nar kăndơ̆, Gâp mra leo lĕ phung tă jêng bu nă phung Êlam plơ̆ sĭt.” Brah Yêhôva lah pônây.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Daniel 10:14

Aƀaơ, gâp văch gay ăn may gĭt rbăng nau mra tât ma phung ƀon lan may tâm nar nglĕ dŭt, yorlah aơ jêng nau tâm saơ di ma lĕ nar dăch tât.”

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Daniel 2:45

Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Sakari 8:22

Yor ri âk phung ƀon lan jêh ri phung ntil mpôl bunuyh ngăch dăng mra văch ta ƀon Yêrusalem, jêh ŭch joi Brah Yêhôva ma phung tahan jêh ri gay dăn nau ueh uĭn Brah Yêhôva.”

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Malachi 3:12

“Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

Nau Kơp Bunuyh 24:14

Aơ, aƀaơ gâp plơ̆ sĭt ma phung ƀon lan gâp nơm. Ƀiălah văch hom, gâp mra mbơh ma may gĭt moh nau phung ƀon lan aơ mra ƀư ma phung ƀon lan may tâm lĕ nar kăndơ̆.”

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

II Timôthê 3:1

Ăn may gĭt năl tâm lĕ nar nglĕ dŭt, mra geh âk tâm rnôk jêr ngăn.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.