Êsai 2:12 - Nau Brah Ndu Ngơi 2023

¹² Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 2:12 Iomraidhean Croise

II Samuel 22:28

Kôranh Brah tâm rklaih phung dêh rhêt, Ƀiălah măt Kôranh Brah uănh ma phung sưr gay n'glưh khân păng.

Ndrom Samƀŭt bơh Yôp 24:1

“Mâm ƀư Nơm Geh Lĕ Nau Brah mâu nal nar phat dôih? Mâm ƀư bunuyh gĭt năl Păng mâu dơi saơ ôh nar nây?

Nau Mprơ Ơm 131:1

Ơ Brah Yêhôva, gâp mâu geh nuih n'hâm sưr ôh, Măt gâp mâu n'hao êng nơm; Gâp mâu lĕ gâp mĭn ma ndơ toyh ir, Mâu lah lĕ nau kan rlau keh ir đah gâp.

Nau Mprơ Ơm 18:28

Kôranh Brah mpoh ŭnh kađen gâp; Brah Yêhôva Brah Ndu gâp mra sol ang ntŭk nau ngo gâp.

Nau Mprơ Ơm 37:13

Ƀiălah Kôranh Brah mra gơm mưch rmot păng Yorlah saơ nar tâm rmal păng dăch tât.

Nau Mprơ Ơm 94:2

Ơ Kôranh jêng phat dôih ma neh ntu, Dâk hom har plơng khư ma phung sưr rlau.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 14:15

Ƀiălah bu mra djôt leo may jŭr ta ƀon phung khĭt, Trŭnh nglĕ dŭt blat brŏng jru!

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 24:4

Rplay neh rngot rvê jêh ri rngot njăp, Neh ntu huănh hươi jêh ri jêng rngot njăp; Phung bunuyh bu yơk dŭt prêh ta klơ neh mra huănh hươi.

Êsai 40:23

Păng yơh ƀư ma phung kôranh chiă uănh toyh tâm ban mrô mô, Jêh ri ƀư ma kôranh phat dôih ta klơ neh ntu mâu jêng dơm dam.

Êsai 42:15

Gâp mra ƀư rai yôk jêh ri gôl, Gâp mra ƀư nhop kro lĕ rngôch gơ̆ ndrêh; Gâp mra tâm rgâl dak krong jêng gôl dak mƀŭt, Ƀư ma lĕ dak nglao suăt kro da dê.

Êsai 5:15

Lĕ ntil mpôl bunuyh kŭnh bôk da dê, lĕ rngôch bunuyh mâu hôm geh nau khlay; Măt phung sưr rlau bu n'glưh lơi.

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Yêrêmi 12:9

Di lĕ drăp ndơn Gâp nâm bu sĭm joi mpa Geh phung sĭm joi mpa êng gŭ văr jŭm lĕ? Hăn rgum hom lĕ rngôch mpô mpa bri, Gay khân păng sa rvăn lơi păng!

Yêrêmi 13:9

Brah Yêhôva lah: “Gâp mra ƀư nau sưr phung Yuđa jêh ri nau sưr toyh ƀon Yêrusalem ôm rai nâm bu pônây.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Mika 2:3

Yor ri, Brah Yêhôva lah: “Nĕ, Gâp mĭn ŭch ƀư nau mhĭk tât tâm ƀon lan aơ Ƀiălah phung khân may mâu dơi doh ôh bơh trô ko; Khân may kŏ mâu dơi đŏng ngơk bôk Yorlah nây jêng rnôk rêh ni ngăn.

Mika 5:11

Gâp mra ƀư rai lơi phung ƀŭk rƀên tă bơh may Jêh ri may mâu mra hôm geh ôh phung n'hŭm.

Sôphôni 1:16

Nar geh bâr nŭng jêh ri nau nter tâm lơh Lĕ ƀon toyh pêr nâp jêh ri pôih tŭm prêh ta njônh mpêr ƀon.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Mathay 23:12

Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

I Kôrintô 5:5

he jao bunuyh ƀư pônây ma brah Satan ƀư rai nglay săk păng, gay ma huêng păng dơi tâm rklaih tâm nar Kôranh Brah.

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”