Êsai 2:10 - Nau Brah Ndu Ngơi 2023

¹⁰ Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 2:10 Iomraidhean Croise

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Ndrom Samƀŭt bơh Yôp 40:13

Nting păng jêng nâm bu dĭng kông, Puăn jâng păng nâm bu mâng loih.

Nau Mprơ Ơm 145:12

Gay tâm mpơl phung kon bunuyh gĭt năl nau kan brah May Jêh ri nau chrêk rmah hit rnam ƀon bri hađăch May.

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 25:11

Ta ntŭk nây păng mra yơr ti, Tâm ban ma du huê yơr ti dôl re dak. Ƀiălah Brah Yêhôva mra ntrŭnh nau sưr păng, Jêh ƀư rai nau ndơm bơh ti păng.

Êsai 42:22

Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 13:9

Brah Yêhôva lah: “Gâp mra ƀư nau sưr phung Yuđa jêh ri nau sưr toyh ƀon Yêrusalem ôm rai nâm bu pônây.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Nahum 3:11

Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Luka 12:5

Ƀiălah Gâp ntĭm ma khân may gĭt klach mbu nơm: Klach hom ma Nơm, nôk nkhĭt jêh, hôm geh nau dơi mƀăr jŭr ndrung ŭnh. Di kơt nây, Gâp đă ma khân may, klach hom ma Nơm nây!

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng