Êsai 18:2 - Nau Brah Ndu Ngơi 2023

² May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 18:2 Iomraidhean Croise

II Nau Rêh Jêng 14:9

Y-Sêra, bunuyh Kus, jă du rkeh phung tahan văch tâm lơh đah khân păng ndrel ma pe rhiăng ndeh seh hăn lơh phung Yuđa, jêh ri khân păng hăn văch tât ta Marêsa.

II Nau Rêh Jêng 16:8

Mâu di bơh phung Kus jêh ri phung Libi jêng du phung tahan ktang? Mâu di bơh ndeh seh jêh ri phung tahan ncho seh khân păng dŭt âk râk ngăn? Nđâp lah pônây, yorlah may rnơm ma Brah Yêhôva, Păng jao jêh khân păng tâm ti may.

Ndrom Samƀŭt bơh Yôp 9:26

Khân păng rgăn ngăch nâm bu rkĭt tơm rpho, Nâm bu klang ƀŭng jŭr pah mpa sa.

Nau Ngluh Êjipt 2:3

Tơlah mâu hôm dơi pôn jŏ ôh, păng sŏk du mlâm bĭ ƀư ma tơm sut, mhĭng ma dak ƀlĭt ƀitumen jêh ri ma dak ƀlĭt n'ho ăn kon se nây tâm bĭ jêh ri nđuh dơm bĭ nây tâm nklang tơm sut ta meng kơh dak krong.

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Yêrêmi 49:14

Aơ jêng nau mhe mhan gâp tăng tă bơh Brah Yêhôva, Jêh ri bu prơh hăn du huê nơm mbơh tât ta nklang lĕ bri dak: “Tâm rgum hom jêh ri rduh hăn lơh păng! Du dâk hăn tâm lơh hom!”

Êsêkiêl 30:9

Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!

Apdia 1:1

Nau Y-Apdia tâm saơ. Kôranh Brah Yêhôva lah ma bri Êđôm: He lĕ tăng nau mbơh tă bơh Brah Yêhôva Jêh ri bu prơh hăn du huê nơm mbơh tât ta nklang lĕ bri dak: “Dâk hom khân may! Dâk hom he tâm lơh đah păng!

Habakuk 1:7

Khân păng dŭt klach ngăn jêh ri krit klach hâu ngăn, Khân păng ƀư nau vay ma khân păng nơm, jêh ri n'hi êng n'hao êng khân păng nơm.

Luka 10:19

Aơ, Gâp ăn jêh ma khân may nau dơi gay jot bêh, phung ndŭr vơng jêh ri lĕ nau ktang phung rlăng tâm dâng jâng. Mâu geh ndơ ƀư mhĭk ma khân may ôh.