Êsai 16:3 - Nau Brah Ndu Ngơi 2023

³ Khân păng kuăl gay bu kơl: “Dăn sâm ntĭm an, dăn ăn nau tâm nal, Ta nar nklang bôk, dăn gui may nkŭm hên tâm ban ma dôl măng; Dăn pôn lơi phung bu nsot, Jêh ri lơi dĭng phong ma phung nchuăt du!

Êsai 16:3 Iomraidhean Croise

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Mathay 25:35

Yorlah dôl Gâp ji ngot, khân may ăn jêh ndơ sông sa ma Gâp; Gâp ji hir, khân may ăn Gâp nhêt dak; Gâp jêng bunuyh bu năch, khân may vơt rom Gâp;

ហេឞ្រើ 13:2

Lơi chuêl mpơl nuih n'hâm gĭt rom bu năch, yorlah dôl ƀư nau nây, geh ƀaƀă rom jêh tông mpăr ƀiălah mâu gĭt năl khân păng ôh.

Phung Kôranh Phat Dôih 9:15

Rlô lok plơ̆ lah ma tơm si: ‘Tơlah ma nuih n'hâm nanê̆ ngăn khân may ŭch tŏ dak ƀâu kah ăn gâp jêng hađăch khân may Văch hom nde tâm dâng gui n'hâm gâp; Lah mâu pônây, ăn geh ŭnh luh bơh rlô lok Jêh ri su tơm si sêdar n'gor Liban!’