Êsai 15:3 - Nau Brah Ndu Ngơi 2023

³ Tâm trong sâng, khân păng nsoh ao ƀau; Ta klơ chor jây jêh ri tâm lĕ ntŭk rgum băl, Lĕ rngôch bunuyh nhĭm nhhiăng da dê, dêh rhêt jêh ri luh dak măt.

Êsai 15:3 Iomraidhean Croise

II Samuel 3:31

Y-Đavit lah ma Y-Jôap jêh ri lĕ rngôch phung ƀon lan tĭng ndô̆ păng: “Nkhêk hom ao khân may, nsoh ao ma bok ƀau, jêh ri nhĭm vơl ma Y-Apner.” Jêh nây Y-Đavit tĭng groi băng.

II Phung Hađăch 6:30

Tơlah hađăch tăng lĕ nau bu ur nây ngơi lôch jêh, păng nkhêk lơi ro bok ao păng nơm. Nôk nây, păng dôl hăn rgăn ta klơ mpêr ƀon, phung ƀon lan saơ, păng nsoh ao ƀau.

Êsai 15:2

Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Êsai 3:24

Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

Nau Vay Nkah Tay 22:8

Lah khân may ƀư du mlâm vâl mhe, ăn khân may ƀư mâng rgong jŭm chor vâl gay lơi ăn geh bunuyh tŭp tă bơh klơ chor vâl tât geh nau tih nkhŭt mham ta vâl khân may.

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

I Samuel 5:12

Bi phung mâu geh khĭt, nau ji tŭl ko mra ƀư rêh ni, jêh ri nau nter tâm ƀon nây hao tât klơ trôk.