Êsai 15:2 - Nau Brah Ndu Ngơi 2023

² Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Êsai 15:2 Iomraidhean Croise

II Samuel 10:4

Pôri Y-Hanun nhŭp phung oh mon Y-Đavit, poih du ding têp ta kang khân păng, koh gleh ao jong khân păng tât ta gang bŭt, jêh nây mprơh khân păng sĭt.

I Nau Rêh Jêng 19:4

Y-Hanun nhŭp phung mbơh Y-Đavit, poih lơi têp jêh ri koh lơi ao khân păng ta nklang n'gul gang bŭt khân păng, jêh nây mprơh khân păng sĭt.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 15:3

Tâm trong sâng, khân păng nsoh ao ƀau; Ta klơ chor jây jêh ri tâm lĕ ntŭk rgum băl, Lĕ rngôch bunuyh nhĭm nhhiăng da dê, dêh rhêt jêh ri luh dak măt.

Êsai 16:12

Nôk nây, nđâp lah phung Môap hŏt rgănh hăn ta ntŭk prêh, Lăp tâm ntŭk ngih mbah păng gay mbơh sơm, ăt jêng dơm dam!

Êsai 16:7

Yor nây, Môap mra nhĭm nhhiăng, Lĕ rngôch bunuyh nhĭm da dê yor ma Môap. Ăn khân may nhĭm hom, rđêng nđor hom Yor ƀănh play krăk ƀâu tă bơh ƀon Kir-Harêset!

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 3:24

Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 47:5

Gaxa poih hil bôk Ƀon Askalôn mlo. Ơ phung ƀon lan hôm klen ma Anakim, Ndah nâm jŏ khân ay may mra rek tor săk jăn khân ay may nơm?

Yêrêmi 48:1

Brah Yêhôva ma phung tahan, Brah Ndu Israel, lah ma Môap kơt aơ: “Rêh ni ngăn ăn ma ƀon Nêbô, yorlah bu mra ƀư rai jêh! Ƀon Kiriathaim bêk prêng, yorlah bu sŏk pit jêh; Ƀon Misgap bêk prêng ngăn, yorlah bu ƀư rlâm jêh.

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Yêrêmi 48:31

Yor nây yơh, Gâp nhĭm vơl ăn ma bri Môap, Yor lĕ rngôch phung gŭ tâm bri Môap nter vơl. Bu nhĭm vơl ăn ma phung ƀon lan tâm bri Kir-Hêres.

Yêrêmi 48:35

Brah Yêhôva lah: “Gâp mra ngroh lơi bơh bri Môap jêng nơm nhhơr ndơ ƀư brah tâm ntŭk prêh jêh ri nhhơr ndơ ƀâu kah ăn ma lĕ brah khân păng.

Yêrêmi 49:3

“Ơ ƀon Hêsbôn, nhĭm nhhiăng hom yor ma ƀon Ahi hŏ rai jêh! Hơi kon bu ur Raba, nhĭm vơl hom. Nsoh hom ao ƀau sat, Nchuăt nsong dâng lơ tâm nklang pêr nhĭm nhhiăng! Yorlah brah Malkôm bu mra mprơh hăn ƀư bu nă Ndrel ma phung kôranh ƀư brah jêh ri phung kôranh păng luh du bơh n'gor.

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Êsêkiêl 27:31

Khân păng poih bôk plưn yor may, Jêh ri nsoh ao ƀau. Khân păng mra nhĭm vơl may, Jêh ri nuih n'hâm bêng ma rngot klâng.

Êsêkiêl 30:2

“Hơi kon bunuyh, mbơh lor hom pô aơ nau Kôranh Brah Yêhôva lah: ‘Nhĭm vơl hom! Ngăn yơh jêng nar rêh ni ngăn!

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Kan Lêvi 13:40

Tơlah geh du huê rŭng sŏk, plưn bôk, nơm nây ăt jêng kloh.

Kan Lêvi 21:5

Lĕ kôranh ƀư brah mâu dơi poih sŏk ta bôk, kreh chiông têp kang mâu lah nkăp nglay săk khân păng.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Nau Kơp Bunuyh 21:28

Yorlah geh ŭnh luh du tă bơh Hêsbôn, Du chiông ŭnh tă bơh Sihôn, Ŭnh sa jêh Ar tâm n'gor Môap, Jêh ri lĕ rngôch phung kôranh bơh ntŭk prêh Arnôn.

Nau Kơp Bunuyh 21:30

Ƀiălah he hŏ pănh jêh ma hăr lăp ta khân păng; Hêsbôn lĕ rai lôch jêh kŏ tât ma ƀon Dibôn. He hŏ ƀư rai jêh khân păng tât ta Nôphah, Ŭnh sa kŏ tât ta Mêdêba.”

Nau Kơp Bunuyh 32:3

“N'gor Atarôt, Dibôn, Jaser, Nimra, Hêsbôn, Êlêaleh, Jaser, Nimra, Hêsbôn, Êlêaleh, Sêbam, Nêbô, jêh ri Bêôn

Nau Kơp Bunuyh 32:38

Nêbô, jêh ri Baal-Mêon (amoh lĕ ƀon aơ hŏ rgâl) jêh ri Sipma. Khân păng ăn amoh êng ma lĕ rngôch ƀon khân păng ndâk jêh.

Nau Vay Nkah Tay 14:1

“Khân may jêng phung ƀon lan Yêhôva Brah Ndu. Lơi koh mlay săk khân may nơm, mâu lah poih sŏk ta klơ ndăr kleng yor ma bunuyh khĭt,

Nau Vay Nkah Tay 34:1

Bơh neh lâng klơ dor n'gor Môap, Y-Môis hao n'gơn Pisga, ta klơ yôk Nêbô, tâm tra đah ƀon Yêrikô. Ta nây, Brah Yêhôva mpơl ăn păng uănh lam n'har bri, bơh n'gor Gilêat tât ta n'gor Dan,