Êsai 13:9 - Nau Brah Ndu Ngơi 2023

⁹ Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 13:9 Iomraidhean Croise

Nau Mprơ Ơm 104:35

Ăn phung tih rai lôch bơh neh ntu Jêh ri phung mhĭk mâu hôm geh đŏng ôh. Ơ huêng gâp, mprơ tâm rnê hom ma Brah Yêhôva! Halêluya!

Nau Hôr 2:22

Ƀiălah phung djơh mhĭk mra ƀư rai lơi bơh n'gor, Phung mâu răp jăp bu mra mprơh lơi bơh ƀon tơm.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Êsai 66:17

Phung prăp ƀư kloh khân păng nơm lăp tâm lĕ đang trao yơk mbah rup brah ta nklang đang trao, sa puăch sŭr, puăch đe jêh ri lĕ ndơ ƀơ̆ ƀơch êng, mra khĭt ndrel n'grŭp,” Brah Yêhôva lah pônây.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Sôphôni 1:15

Nar nây jêng nar nau ji nuih, Nar nau mhĭk tât jêh ri nar rêh ni, Nar ƀư rai jêh ri jêng rngol, Nar ngo klĕng jêh ri rngot ngăn, Nar geh ndâr tŭk jêh ri gui nkâm,

Sakari 14:1

Aơ, nar Brah Yêhôva dăch tât, nôk bu mra tâm pă lĕ rngôch ndơ pit sŏk bơh may ta nklang may.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”