Êsai 13:8 - Nau Brah Ndu Ngơi 2023

⁸ Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Êsai 13:8 Iomraidhean Croise

II Phung Hađăch 19:26

Phung ƀon lan gŭ tâm lĕ ƀon nây mâu hôm geh nau ktang ôh, Klach krit jêh ri bêk prêng; Khân păng jêng nâm bu tơm si gơ̆ rêp tâm mir, Nâm bu gơ̆ ndrêh, Nâm bu gơ̆ nse hon ta klơ chor ngih, Nâm bu ba ƀlê hŏ klêu êlor hao prêh.

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Êsai 26:17

Ơ Brah Yêhôva, tanăp măt May, Hên tâm ban ma du huê bu ur ntreo dăch ji deh, Rngot klâng, vơl nter tâm nau nđêh ji ngăn.

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 49:22

Aơ, nơm rlăng mpăr prêh jêh ri mpăr nâm bu klang, lĭ nting năr nkŭm lam ta ƀon Bôsra. Tâm nar nây, nuih n'hâm phung tahan tâm bri Êđôm mra jêng nâm bu nuih n'hâm du huê bu ur veng deh.

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Yêrêmi 50:43

Tăng lư nau nây, Ti jâng hađăch Babilôn hươi ra ai ngăn, Nau klach krit rêt nâp ta păng Ƀư ma păng ji kruăn rêt nâm bu ur ji deh.

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Ndrom Samƀŭt bơh Ôsê 13:13

Nau bu ur ji deh mra tât ta klơ păng, Ƀiălah păng jêng du huê kon mâu blau mĭn ôh; Yorlah di mông bu deh jêh păng mâu ŭch luh ôh bơh ndŭl me.

Yôel 2:6

Phung ƀon lan klach sâr tanăp măt khân păng, Lĕ rngôch klach brâp muh măt da dê.

Nahum 2:10

Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Yôhan 16:21

Bu ur dôl deh kon geh nau ji glăm, yorlah mông păng nơm tât jêh, ƀiălah dôl păng deh kon jêh, păng mâu hôm kah gĭt ôh nau ji glăm, ƀiălah păng răm, yorlah du huê bunuyh hŏ deh jêh tâm neh ntu.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.