Êsai 13:5 - Nau Brah Ndu Ngơi 2023

⁵ Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsai 13:5 Iomraidhean Croise

II Samuel 1:27

Mâm dĭng phung janh ktang lĕ chôt jêh, Jêh ri ndơ tâm lơh khân păng jêng mâu khlay, mƀăr lơi!”

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 48:14

Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsai 7:18

Tâm nar nây, Brah Yêhôva mra uh nŭng kuăl huăch rhuay gŭ nglĕ dŭt tâm ăp dak krong bri Êjipt jêh ri kuăl sŭt bơh bri Asiri tât.

Yêrêmi 50:25

Brah Yêhôva hŏ pơk jêh ntŭk prăp ndơ tâm lơh Djôt ndơ tâm lơh ma nau ji nuih, Yorlah Kôranh Brah jêng Brah Yêhôva ma phung tahan Geh du nau kan ŭch ƀư tâm bri phung Kaldê.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.