Êsai 13:3 - Nau Brah Ndu Ngơi 2023

³ Gâp nơm hŏ ntăm jêh ma phung Gâp hŏ prăp êng jêh; Hŏ kuăl jêh phung bunuyh janh ktang Gâp tât Gay ma khân păng ƀư tât nau Gâp ji nuih; Khân păng jêng phung răm maak ma nau toyh Gâp.

Êsai 13:3 Iomraidhean Croise

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 51:46

Khân may lơi ta rdja nuih, lơi ta klach ôh Tanăp nau mbơh tâm bri dak, Yorlah tâm năm aơ geh du nau mbơh tât, Jêh nây tâm năm pakơi geh nau mbơh êng; Nau ktang lam tâm n'gor, Nau dăng ktang aơ tât ma nau dăng êng.

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Yôel 3:11

Hơi lĕ rngôch bri dak gŭ jŭm, văch gơnh hom jêh ri tâm rgum ta nây! “Ơ Brah Yêhôva, dăn njuăl lĕ phung tahan ktang May trŭnh ta nây!”

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”