Êsai 12:3 - Nau Brah Ndu Ngơi 2023

³ Yor ri, khân may mra răm maak bâk dak bơh ntu dak nau tâm rklaih.

Êsai 12:3 Iomraidhean Croise

Nau Mprơ Ơm 36:9

Yorlah tu nau rêh gŭ tâm Kôranh Brah; Ma nau ang May, hên saơ nau ang.

Nau Mprơ Ơm 87:7

Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Êsai 41:18

Gâp mra ƀư ăn ma dak krong hoch tă bơh yôk hil, Jêh ri dak n'hor bruh hao ta nklang lĕ rlŭng. Gâp mra ăn bri rdah jêng dak nglao, Jêh ri neh sơh jêng lĕ tu dak.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Êsêkiêl 47:9

Ăp ntŭk dak krong nây hoch tât pôri lĕ rngôch mpa rêh, nây jêng mpa rêh mpât rêh tâm dak, mra dơi rêh da dê jêh ri ta nây mra geh âk ntil ka. Ta ntŭk dak nây hoch tât pôri dak mƀŭt jêng rsang, jêh ri ta ntŭk dak krong nây hoch tât pôri lĕ rngôch mpa mra rêh ta nây.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Yôhan 1:16

Jêh ri tâm Păng jêng tu nau rmeh ler, lĕ rngôch phung he sŏk dơn nau yô̆ da dê, lơ hâu ntop nau yô̆.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.