Êsai 12:2 - Nau Brah Ndu Ngơi 2023

² Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 12:2 Iomraidhean Croise

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

Ndrom Samƀŭt bơh Yôp 13:16

Aơ jêng nau tâm rklaih ma gâp, Yorlah phung mâu chroh mâu nănh văch ôh tanăp măt Kôranh Brah.

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 118:14

Brah Yêhôva jêng nau ktang gâp jêh ri nau mprơ gâp; Păng yơh jêng nau tâm rklaih gâp.

Nau Mprơ Ơm 118:21

Gâp mra tâm rnê ma May yorlah May lŏ plơ̆ lah jêh ma gâp Jêh ri May jêng nau tâm rklaih gâp.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Nau Mprơ Ơm 68:20

Brah Ndu jêng Brah Ndu tâm rklaih hên, Yor nau rnơm ma Kôranh Brah Yêhôva yơh kon bunuyh klaih khĭt.

Nau Mprơ Ơm 68:21

Ƀiălah Brah Ndu mra jot ăn nchah bôk phung rlăng đah Păng, Jêh ri bôk sŏk phung hôm tĭng tâm nau tih mhĭk.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 10:24

Yor nây, Kôranh Brah jêng Brah Yêhôva ma phung tahan lah tâm ban pônây: “Ơ phung ƀon lan Gâp dôl gŭ ta Siôn, lơi klach ôh ma phung Asiri lah khân păng dong khân may ma mâng rpăt jêh ri yơr mâng khân păng tâm rdâng đah khân may, tâm ban ma phung Êjipt hŏ ƀư jêh.

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 27:5

Mâu geh ndơ dơi ban nau ktang Gâp Tâm rnglăp hom đah Gâp, Di jêh, tâm rnglăp hom đah Gâp!”

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 38:20

Brah Yêhôva jêng Nơm tâm rklaih gâp! Du bông nau rêh hên mra goh gong rêng jêh ri mprơ, Tâm ngih Brah Yêhôva!

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 49:5

Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Êsai 65:18

Ƀiălah maak hom jêh ri hâk răm hom mro mrăng Ma lĕ nau Gâp hŏ rhăk njêng; Yorlah aơ, Gâp rhăk Yêrusalem jêng nau hâk răm, Jêh ri phung ƀon lan păng jêng nau maak.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Yônais 2:9

Phung mĭn rvê ma nau mƀruh Pôri nau yô̆ nđach mra chalơi khân păng.

Habakuk 3:18

Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Nau Tâm Mpơl 7:10

Khân păng nter huy ngăn pô aơ: “Nau tâm rklaih jêng ndơ Brah Ndu he, Nơm gŭ ta klơ sưng hađăch, jêh ri jêng ndơ Kon Biăp.”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.