Êsai 11:4 - Nau Brah Ndu Ngơi 2023

⁴ Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 11:4 Iomraidhean Croise

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

Ndrom Samƀŭt bơh Yôp 15:30

Păng mâu dơi klaih ôh bơh nau ngo klĕng, Mpiăt ŭnh ƀư kro lơi nkeh păng N'hâm nsôr bơh mbung Brah Ndu mra rdu păng.

Ndrom Samƀŭt bơh Yôp 4:9

Yor n'hâm nsôr bơh Brah Ndu, khân păng geh nau khĭt roh; Yor nau Păng ji nuih, khân păng geh nau rai lôch.

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 26:6

Bu mra jot păng tâm dâng jâng, Tâm dâng mpang jâng nơm o ach, Tâm dâng nhuat jâng nơm mâu geh nau ktang.”

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 30:31

Asiri mra klach krit yor bâr Brah Yêhôva. Păng mra dong Asiri ma mâng rvĕ.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 32:1

Aơ, du huê hađăch mra chiă uănh ma nau sŏng srăng, Phung kôranh mra chiă uănh ma nau di.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 40:7

Gơ̆ kro, kao rŭng, Yorlah n'hâm Brah Yêhôva khôm ta klơ păng. Nanê̆, kon bunuyh knŏng jêng gơ̆:

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Malachi 4:6

Păng mra ƀư ăn nuih n'hâm phung mbơ̆ plơ̆ tay đah nuih n'hâm phung kon, jêh ri nuih n'hâm phung kon plơ̆ tay đah nuih n'hâm phung mbơ̆ khân păng, klach lah Gâp văch lơh bri dak aơ ma nau rak rtăp.”

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Kôranh Oh Mon 9:1

Rnôk nây, Y-Sôl hôm thăm jêh ri nkhĭt phung oh mon Kôranh Brah. Păng hăn ta kôranh ƀư brah toyh lơn,

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

Galati 5:23

Mâu mâp geh nau vay dơi buay lĕ nau nây.

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

Titus 3:2

mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’