Êsai 11:3 - Nau Brah Ndu Ngơi 2023

³ Păng hâk maak tâm nau klach yơk ma Brah Yêhôva. Păng mâu mra phat dôih tĭng nâm măt Păng saơ ôh, Mâu lĕ Păng phat dôih tĭng nâm tôr Păng tăng.

Êsai 11:3 Iomraidhean Croise

II Samuel 14:17

Pônây, oh mon bu ur hađăch hŏ mĭn: ‘Nau ngơi hađăch, jêng kôranh gâp, mra ăn gâp gŭ đăp mpăn; yorlah hađăch, jêng kôranh gâp, mâu lĕ lĭn du huê tông mpăr Brah Ndu, gĭt sek uănh nau ueh jêh ri nau mhĭk.’ Dăn ma Yêhôva Brah Ndu hađăch gŭ ndrel hađăch!”

II Samuel 14:8

Hađăch lah ma bu ur: “Hăn sĭt hom ma ngih ay, gâp mra ntăm di ma nau ay.”

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 3:9

Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

Ndrom Samƀŭt bơh Yôp 12:11

Mâu di tôr gĭt tâm nkhah nau ngơi, Nâm bu trôm mbung chiăm ndơ sông sa?

Ndrom Samƀŭt bơh Yôp 34:3

Yorlah tôr gĭt sek uănh nau ngơi, Nâm bu mbung chiăm ndơ sa.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Nau Hôr 2:9

Nôk nây may mra gĭt rbăng nau sŏng srăng jêh ri nau di, Nau sŏng jêh ri lĕ rngôch trong ueh.

Êsai 33:6

Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Êsêkiêl 45:8

Kô̆ neh nây mra jêng drăp ndơn hađăch bri Israel. Phung hađăch Gâp mâu mra tŭn jot phung ƀon lan Gâp đŏng ôh, ƀiălah mra tâm pă kô̆ neh hôm e ăn lĕ mpôl băl Israel.

Mika 4:3

Păng mra ƀư nau phat dôih ta nklang âk mpôl băl bunuyh, Jêh ri phat dôih ta nklang lĕ bri dak dŭt dăng gŭ ntŭk ngai. Khân păng mra sŏk đao chiăr njêng kau kai, Sŏk tak chiăr njêng nhuĕ; Bri dak aơ mâu mra tŏk ôh đao tâm rdâng đah bri dak êng Jêh ri mâu lĕ hôm nti tay đŏng nau tâm lơh.

Luka 2:52

Brah Yêsu blau mĭn lơ hâu ntop, tâm săk jăn lơ hao toyh, lơ hô ƀư ueh nuih n'hâm Brah Ndu jêh ri bunuyh.

Yôhan 2:25

Păng mâu hôm ŭch bu mbơh nkoch ôh ma Păng, yorlah Păng hŏ gĭt rah vah lĕ nau tâm nuih n'hâm bunuyh.

Yôhan 7:24

Lơi ta phat dôih tĭng padih, ƀiălah phat dôih hom tĭng nau sŏng srăng.”

ហេឞ្រើ 5:14

Ƀiălah ndơ sông sa dăng prăp ma phung văch ma toyh, jêng ma phung bunuyh bơh nsrôih ƀư tĭng ma nau blau nti ngăn dơi rnglah êng nau ueh jêh ri nau mhĭk.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”