Êsai 10:5 - Nau Brah Ndu Ngơi 2023

⁵ Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 10:5 Iomraidhean Croise

Nau Ntơm 10:11

Tă bơh n'gor nây, păng hăn tât ta n'gor Asiri, jêh ri ndâk njêng ƀon Ninive, ƀon Rêhôbôt-ir, ƀon Kalah,

II Phung Hađăch 18:25

Rlau lơn ma nĕ, mâu di hĕ tĭng nâm nau mĭn ŭch Brah Yêhôva gâp hăn hao lơh gay ƀư rai lơi ntŭk nây? N'hêl nanê̆ Brah Yêhôva hŏ lah jêh ma gâp: ‘Hăn hao hom lơh jêh ri ƀư rai lơi n'gor.’”

II Phung Hađăch 19:25

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây, Gay ma may ƀư lĕ ƀon nâp Jêng lĕ mbŭch rlâm rai nchah rngot njăp jêh.

Nau Mprơ Ơm 125:3

Yorlah mâng hađăch nau ƀai Mâu mra gŭ n'gân ôh ta klơ drăp ndơn phung sŏng srăng, Gay ma phung sŏng srăng mâu yơr ti Lăp pah kan nau mhĭk.

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Êsai 10:15

Sung tâm rnê păng nơm rlau lơn ma nơm djôt sung, Mâu lah ndruih tâm rnê păng nơm rlau lơn ma nơm djôt ndruih lĕ? Nau nây tâm ban ma mâng rpăt gai rlơ̆ nơm yơr mâng rpăt, Mâng jra chông nơm kuăn mâng jra!

Êsai 10:25

Yorlah hôm knŏng ƀât lât đŏng, phat dôih tâm rmal mra lôch; jêh ri nau Gâp ji nuih mra rle mpeh khân păng gay ƀư rai khân păng.

Êsai 13:5

Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsai 14:24

Brah Yêhôva ma phung tahan hŏ sơm ton pô aơ: “N'hêl nanê̆ nau Gâp hŏ dăp mra tât ngăn, Nau Gâp hŏ ƀư păng mra nâp.

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Êsai 29:2

Gâp mra nchueng jŭm Ariêl, Păng mra geh nau rngot klâng jêh ri lŭng nter, Ƀiălah păng ăt hôm jêng ƀon Ariêl ma Gâp.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsai 7:17

Brah Yêhôva mra ăn tât ma may, ma phung ƀon lan may jêh ri ma ta ngih hađăch lĕ nar nau tât ê mâp geh ntơm bơh nar phung Êphraim tâm nkhah đah phung Yuđa, nĕ jêng nar Brah Ndu mra njuăl hađăch Asiri tât.”

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Êsai 8:7

yor nây, Kôranh Brah mra ƀư ăn dak bơh Dak Krong Me hoch thăng ta khân păng, nâm bu ntĭt hađăch bri Asiri ndrel ma lĕ rngôch nau chrêk rmah păng. N'hong dak aơ mra hao ler bêng n'hong jêh ri lip lĕ rngôch kơh,

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.

Nau Kơp Bunuyh 24:24

Nĕ jêng lĕ bunuyh tă bơh kơh dak mƀŭt Kitim Ƀư nau mhĭk ma Asur jêh ri Êber. Ƀiălah jêh nây khân păng nơm đŏng mra rai lôch lĕ.”