Êsai 10:3 - Nau Brah Ndu Ngơi 2023

³ Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 10:3 Iomraidhean Croise

Nau Ntơm 31:1

Y-Yakôb tăng nau phung kon bu klâu Y-Laban ngơi lah ndrăng khân păng nơm: “Y-Yakôb hŏ hăn sŏk jêh lĕ rngôch drăp ndơ mbơ̆ he, jêh ri bơh drăp ndơ mbơ̆ he yơh păng jêng ndrŏng.”

II Phung Hađăch 7:15

Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

Ndrom Samƀŭt bơh Yôp 31:14

Pôri mâm gâp mra ƀư tơlah Brah Ndu du dâk? Nôk Păng ôp ma gâp, mâm gâp mra plơ̆ lah?

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 20:6

Tâm nar nây, phung gŭ rgŏ kơh dak mƀŭt mra lah pô aơ: ‘Aơ, phung mpôl băl bunuyh he uănh geh nau kâp gân, jêh ri nchuăt tât gay tâm rklaih bơh hađăch bri Asiri, aƀaơ ri păng hŏ jêng nâm bu kơt nĕ yơh! He mâm he dơi klaih?’”

Êsai 26:14

Khân păng khĭt jêh, mâu hôm mra rêh ôh; Lĕ phan bunuyh khĭt mâu hôm plơ̆ dâk ôh, Yorlah May tâm rmal jêh ri ƀư rai jêh khân păng, Jut lơi lĕ rngôch nau kah gĭt ndray ma khân păng.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 28:20

Sưng bê̆ch gleh ir mâu dơi lâng săk ta nây; Phôi gleh ir mâu dơi ntâk lam.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 30:5

Lĕ rngôch mra rdja nuih jêh ri bêk prêng Yor du phung ƀon lan mâu jêng khlay ma khân păng ôh, Mâu sâm kơl mâu đŏng geh nau khlay ôh, Ƀiălah knŏng djôt nau bêk jêh ri nau mưch.”

Êsai 30:7

Yorlah nau bri Êjipt kơl knŏng jêng dơm dam, mâu khlay ôh Yor nây Gâp rnha păng “H'Rahap gŭ rklăk mâu mpât.”

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 39:3

Nơm mbơh lor Y-Êsai hăn mâp ma hađăch Hêsêkia jêh ri ôp: “Moh nau phung nây lah ma may, jêh ri mbah tă khân păng văch tât?” Y-Hêsêkia plơ̆ lah: “Khân păng văch tât tă bơh n'gor Babilôn bri ngai hăn chop khâl gâp.”

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 9:9

Brah Yêhôva lah: “Gâp mâu mra tâm rmal khân păng ma lĕ nau tih nây hĕ? Mâm Gâp mâu har plơng Ma du ndŭl mpôl dơi tâm ban pônây?”

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 9:5

Mâm khân may mra ƀư tâm lĕ yan nau rƀŭn, Tâm nar rƀŭn ma Brah Yêhôva?

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Amôt 5:19

Nâm bu du huê bunuyh nchuăt klach bơh yau mŭr, Nkhơng mâp ma kau; Dôl lăp tâm ngih, mbin ti ta mpir Nkhơng geh bêh chôk.

Mika 7:4

Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Luka 19:44

Khân păng mra ƀư rai may jêh ri phung kon sau ta nklang may đŏng. Khân păng mâu mra ăn glo lŭ aơ gŭ ta klơ glo lŭ ri, yorlah may mâu gĭt ôh mông may geh nau khâl.”

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.