Êsai 10:12 - Nau Brah Ndu Ngơi 2023

¹² Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 10:12 Iomraidhean Croise

II Phung Hađăch 19:31

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Nau Mprơ Ơm 18:27

Kôranh Brah tâm rklaih phung dêh rhêt Ƀiălah n'glưh phung geh măt n'hao êng nơm.

Nau Mprơ Ơm 21:10

Kôranh Brah mra ƀư rai phung kon sau khân păng bơh neh ntu, Jêh ri noi deh khân păng bơh phung kon bunuyh.

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Nau Mprơ Ơm 76:5

Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

Nau Hôr 21:4

Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Nau Hôr 30:13

Geh phung bunuyh geh măt nau sưr, Jêh ri n'gô măt n'hao êng mâm ƀư!

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 27:7

Di hĕ May lơh păng tâm ban ma nơm hŏ lơh păng lĕ? Mâu lah geh bu nkhĭt păng tâm ban ma phung nkhĭt păng hŏ khĭt jêh?

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Êsai 5:15

Lĕ ntil mpôl bunuyh kŭnh bôk da dê, lĕ rngôch bunuyh mâu hôm geh nau khlay; Măt phung sưr rlau bu n'glưh lơi.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 50:18

Yor nây, Brah Yêhôva ma phung tahan, Brah Ndu Israel lah kơt aơ: “Aơ, Gâp mra tâm rmal hađăch Babilôn jêh ri bri dak păng nâm bu hŏ tâm rmal jêh ma hađăch bri Asiri.

Yêrêmi 50:32

Nơm sưr mra văk jâng chêh prah, Mâu geh nơm sâm rdâk an păng ôh. Gâp mra mpoh ŭnh su lĕ ƀon toyh păng, Ŭnh mra sa lĕ rngôch ndơ gŭ jŭm păng.”

Êsêkiêl 31:10

Yor nây, Kôranh Brah Yêhôva lah: ‘Yorlah păng toyh prêh, chiông păng prêh kŏ ban tŭk jêh ri nuih n'hâm păng sưr rlau yor nau păng toyh prêh nây,

Êsêkiêl 31:14

gay mâu geh du mlâm tơm si êng tăm dăch dak janh sưr rlau ma nau toyh prêh păng mâu lah prêh chiông kŏ ban tŭk. Gay mâu geh ôh tơm si êng lĕ n'hor dak djrah toyh prêh nâm bu pônây; lĕ rngôch khân păng bu jao ma nau khĭt, prăp ma brŏng jru tâm dâng neh ntu tâm nklang ntil mpôl bunuyh jêh ri ndrel ma phung jŭr tâm ntu jru!’

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Nau Kơp Bunuyh 24:24

Nĕ jêng lĕ bunuyh tă bơh kơh dak mƀŭt Kitim Ƀư nau mhĭk ma Asur jêh ri Êber. Ƀiălah jêh nây khân păng nơm đŏng mra rai lôch lĕ.”

Mathay 12:33

“Mâu lah tơm si ueh play păng ueh tâm ban lĕ, mâu lah tơm si mhĭk play păng mhĭk lĕ; yorlah bu dơi gĭt năl tơm si ta play păng.

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Nau Vay Nkah Tay 32:27

Ƀiălah Gâp klach phung rlăng nsônh, Phung rlăng mĭn vĭ, Lah pô aơ: ‘Dơi tâm lơh tă bơh ti he, Brah Yêhôva mâu mâp ƀư ôh lĕ rngôch nau nây!’

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?