Êsai 10:1 - Nau Brah Ndu Ngơi 2023

¹ Rêh ni ngăn ma phung nchih nau vay mâu sŏng, Phung nchih nau vay dăp mâu di,

Êsai 10:1 Iomraidhean Croise

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Nau Mprơ Ơm 58:2

Mâu, nuih n'hâm khân may nchră mĭn nau djơh mhĭk, Ti khân may ƀư mhĭk djơh tâm n'gor.

Nau Ngluh Êjipt 23:3

May mâu dơi gŭ nding mpeh ma bunuyh o ach tâm nau phong.

Nau Ngluh Êjipt 23:6

Lơi may nsak nau di tâm lĕ nau dôih bơh bunuyh o ach.

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:18

Rêh ni ngăn ma phung dŏng rse nau kue đŏt nau mhĭk, Nâm bu rse brăt mphâk ndeh đŏt leo nau tih.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Yêrêmi 22:13

Rêh ni ngăn ma nơm ndâk ngih păng ma nau kue, Ndâk jrô ma nau mâu sŏng; Dŏng bunuyh chiau meng pah kan dơm dam hĕ, Mâu lĕ nkhôm kan ăn ma khân păng.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Habakuk 2:12

Rêh ni ma nơm sŏk mham ndâk ƀon, Jêh ri sŏk nau djơh mhĭk ndâk njêng ƀon toyh!

Habakuk 2:15

Rêh ni ngăn ma nơm n'hơk ndrănh ma phung chiau meng păng N'hơk kachok nau ji nuih kŏ tât khân păng nhŭl ndrănh, Gay uănh nau rhôk khân păng!

Habakuk 2:19

Rêh ni ngăn ma nơm ngơi đah tơm si pô aơ: ‘Kah rngăl hom!’ Jêh ri ngơi đah lŭ mlo pô aơ: ‘Dâk hom may!’ Păng dơi ntĭm nti đŏng? Aơ, păng dơi mblum ma mah jêh ri prăk, Ƀiălah tâm păng mâu geh djê̆ ro n'hâm nsôr.

Habakuk 2:6

Ƀiălah mâm mâu di lĕ rngôch phung mpôl băl bunuyh nây treo nau bu ntêh rmot, jêh ri sŏk nau hôr gơm mưch ma păng? Khân păng lah: “Rêh ni ngăn ma nơm prăp bun drăp ndơ mâu di ôh ndơ păng nơm! Ndah jŏ nau păng prăp bun mro ma păng nơm drăp ndơ bu nchăm?

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Mathay 23:27

Rêh ni yơh ma khân may, hơi phung kôranh nchih samƀŭt jêh ri phung Pharisi jêng phung nuih n'hâm nklă! Yorlah khân may nâm bu lĕ môch mhĭng klo nglang, padih uănh ueh ngăn, ƀiălah tâm trôm bêng nting bunuyh khĭt jêh ri đah ăp ntil ƀơ̆ ƀơch.

Mathay 23:29

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may ndâk môch phung nơm mbơh lor, nkrơ̆ ueh ma môch phung sŏng srăng,

Mathay 26:24

Kon Bunuyh hăn kơt nau nchih jêh ma Păng; ƀiălah rêh ni yơh ma nơm tâm rdâng ma Kon Bunuyh! Ueh lơn lơi deh ôh ma nơm nây!”

Luka 11:52

Rêh ni yơh ma khân may, jêng nơm nti nau vay! Yorlah khân may djôt prăp khuă nau gĭt rbăng, khân may nơm mâu lăp ƀiălah khân may buay đŏng lĕ phung êng ŭch lăp!”

Yôhan 19:6

Ƀiălah dôl phung kôranh ƀư brah toyh jêh ri phung kôranh saơ Brah Yêsu, khân păng nter huy: “Pâng păng ma kđĭn ta si tâm rkăng! Pâng păng ma kđĭn ta si tâm rkăng!” Pilat đă ma khân păng: “Khân may sŏk djôt păng ma khân may nơm jêh ri pâng kđĭn, yor gâp mâu ôh saơ păng geh nau tih.”

Yôhan 9:22

Mê̆ mbơ̆ păng lah pônây yor klach ma phung Yuđa, yor phung Yuđa hŏ tâm lăp nau tơlah mbu nơm mbơh Brah Yêsu jêng Brah Krist, bu mprơh lơi păng luh bơh ngih rƀŭn.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.