Êsai 1:7 - Nau Brah Ndu Ngơi 2023

⁷ Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 1:7 Iomraidhean Croise

II Nau Rêh Jêng 28:5

Yor nây, Yêhôva Brah Ndu jao păng ma ti hađăch Aram. Phung tahan Aram dơi lơh hađăch Ahas jêh ri nhŭp leo âk bunuyh ƀon lan păng jêng bu nă jêh ri njŭn leo khân păng ma ƀon Damas. Brah Yêhôva jao păng ma ti hađăch Israel đŏng jêh ri roh rai âk ngăn.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ơm 107:39

Tơlah rnoh khân păng n'hŭch jŭr jêh ri bu ƀư mhĭk Yor nau tŭn jot, nau rêh ni jêh ri nau rngot.

Nau Mprơ Ơm 109:11

Ăn kôranh rnon sŏk pit lĕ rngôch ndơ păng geh. Phung bu năch sŏk rdu lơi play kao tă bơh kan păng.

Êsai 1:8

Bu chalơi kon bu ur Siôn Tâm ban ma du mlâm ndưp tâm đang krăk ƀâu, Tâm ban ma du mlâm nkơp gak tâm mir rpŭng, Tâm ban ma du rplay ƀon bu nchueng jêh.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Êsai 34:9

Lĕ n'hor dak tâm bri Êđôm mra rgâl jêng dak ƀlĭt n'ho, Ndruyh neh khân păng mra jêng mô ŭnh, Neh khân păng mra jêng dak ƀlĭt n'ho dôl ŭnh hit.

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Êsai 5:17

Rnôk nây, phung kon biăp mra sa gơ̆ nâm bu ndrêch gơ̆ khân păng nơm, Phung bu gŭ njưh mra sa ta ntŭk rlâm rai nchah phung ndrŏng.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Êsai 60:15

Ntrok bu hŏ chuêl jêh ri tâm rmot jêh ma may, Kŏ tât mâu geh nơm hăn rgăn ta ntŭk may ôh, Ri mơ Gâp mra ăn may nau yơk mro mrăng, Jêh ri jêng nau răm maak ma âk rô̆.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsai 64:10

Lĕ rngôch ƀon kloh ueh May hŏ jêng bri rdah, Siôn ăt jêng bri rdah, Yêrusalem jêng ntŭk rngot njăp.

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Yêrêmi 6:8

Hơi Yêrusalem, iăt hom nau ntăm, Lah mâu Gâp mra dĭl chalơi may, Ƀư ăn may jêng rngot njăp, Neh may mâu hôm bunuyh gŭ.”

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Êsêkiêl 25:4

yor nau nây, aơ, Gâp mra jao may ma phung tă bơh mpeh Luh Nar ƀư drăp ndơn. Khân păng mra ƀư pôih jêh ri ƀư ngih khân păng gŭ ta nklang may; khân păng mra sa kao play jêh ri nhêt dak toh ndrôk may.

Êsêkiêl 30:12

Gâp mra ƀư suăt lơi dak krong Nil, Jêh ri tăch lơi bri dak nây tâm ti phung djơh. Gâp mra ăn ti phung bu năch Ƀư rai bri dak nây jêh ri nđâp ma lĕ rngôch ntil ndơ tâm nây. Gâp jêng Brah Yêhôva hŏ lah jêh.’

Ndrom Samƀŭt bơh Ôsê 7:9

Phung bu năch hŏ rvăn jêh lĕ n'hâm suan păng Ƀiălah păng mâu gĭt ôh! Sŏk klơ bôk hŏ hon nglang jêh, Ƀiălah păng mâu gĭt!

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Kan Lêvi 26:34

Aƀaơ neh mra dơn lĕ năm saƀat ntrok tay năng nar neh jêng ntŭk rngol nôk khân may gŭ tâm n'gor phung rlăng; kơt nây, neh mra dơi rlu jêh ri dơn lĕ năm saƀat.

Mika 5:11

Gâp mra ƀư rai lơi phung ƀŭk rƀên tă bơh may Jêh ri may mâu mra hôm geh ôh phung n'hŭm.

Mika 6:13

Yor nây, Gâp dong may, ƀư ăn sôt rmanh jru Jêh ri gay ƀư ma may jêng rngol yor nau tih may.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 28:43

Phung bunuyh bu năch gŭ ta nklang khân may ƀrư̆ nar ƀrư̆ hao lơn đah khân may ƀaƀơ; bi ma khân may mra ƀrư̆ nar ƀrư̆ jŭr.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.