Êsai 1:4 - Nau Brah Ndu Ngơi 2023

⁴ Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 1:4 Iomraidhean Croise

Nau Ntơm 13:13

Phung bunuyh Sôdôm djơh mhĭk ngăn jêh ri ƀư tih toyh đah Brah Yêhôva.

II Phung Hađăch 21:22

Păng chalơi Yêhôva Brah Ndu phung chô-yau păng, jêh ri mâu chuat ôh tâm trong Brah Yêhôva.

II Nau Rêh Jêng 12:1

Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 27:2

Păng ƀư di tanăp măt Brah Yêhôva tĭng nâm lĕ rngôch nau mbơ̆ păng Y-Usia hŏ ƀư jêh; ƀiălah păng mâu lăp ôh tâm ngih Brah Yêhôva, bi phung ƀon lan ăt hôm ƀư blă blơ.

Nêhêmi 1:7

Hên hŏ ƀư jêh lĕ nau djơh mhǐk tâm rdâng đah Kôranh Brah, mâu djôt prăp ôh nau vay ntăm, nau vay dăp jêh ri nau vay ƀư bơh May hŏ ntĭnh nti jêh Y-Môis jêng oh mon May.

Nau Mprơ Ơm 58:3

Phung mhĭk vĭ nhhơt tă bơh ndŭl me khân păng. Ntơm bơh nar bu deh ƀư tih jêh, mƀruh nchơt.

Nau Mprơ Ơm 71:22

Ơ Brah Ndu gâp, gâp mra dŏng gong rêng gay mprơ tâm rnê ma May, Mât ton ma nau răp jăp May. Ơ Nơm Kloh Ueh Israel, Gâp mra dŏng gong rêng gay mprơ tâm rnê ma May.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Mprơ Ơm 89:18

Yorlah Brah Yêhôva jêng khêl ma hên, Nơm kloh ueh Israel jêng Hađăch hên.

Nau Ngluh Êjipt 32:7

Brah Yêhôva lah ma Y-Môis: “Jŭr hom, yorlah phung ƀon lan may ngluh jêh bơh n'gor Êjipt hŏ mhĭk jêh.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 14:20

May mâu mra dơi tâp ndrel ma phung hađăch tâm môch, Yorlah may hŏ ƀư rai jêh bri may Jêh ri nkhĭt jêh phung ƀon lan. Noi deh phung mhĭk Mra mro mrăng mâu dơi nkah tât ôh.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 30:15

Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 41:20

Gay ma phung bunuyh dơi saơ jêh ri gĭt, Dơi mĭn rvê ndrel jêh ri gĭt rbăng Ti Brah Yêhôva ƀư jêh nau aơ, Nơm Kloh Ueh Israel rhăk njêng khân păng.

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Êsai 65:3

Jêng phung ƀon lan mâu rlu nsônh nau ji nuih ma Gâp, Nđâp tanăp muh măt Gâp: Khân păng nhhơr mpa ƀư brah tâm lĕ đang trao, Su ndơ ƀâu kah ta klơ lĕ mbŭch ƀrĭk,

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Yêrêmi 2:33

May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 32:32

Yorlah lĕ rngôch nau mhĭk phung kon sau Israel jêh ri phung kon sau Yuđa, khân păng nơm yơh, phung hađăch, phung kôranh, lĕ phung kôranh ƀư brah, lĕ phung nơm mbơh lor khân păng, nđâp ma phung Yuđa jêh ri phung ƀon lan gŭ tâm Yêrusalem gay ƀư nsônh nuih Gâp,

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 16:33

Lĕ rngôch phung bu ur văng tĭr dơn prăk nkhôm da dê, ƀiălah ay ăn ndơ ma lĕ rngôch tĭr ay, ndơ blŏl ăn ma khân păng gay khân păng tă bơh lam ntŭk văch tât ƀư nau văng tĭr đah ay.

Êsêkiêl 16:45

Ay jêng kon bu ur ma mê̆ ay, mê̆ ay tâm rmot ma kon ma sai; ay ăt tâm ban ma phung nur ay, jêng phung tâm rmot ma kon ma sai. Mê̆ ay jêng du huê bu ur Hitit jêh ri mbơ̆ ay jêng du huê bu klâu Amôrit.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Nau Kơp Bunuyh 32:14

Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 23:33

Hơi phung bêh, ndŭl mpôl bêh kăch, mâm ƀư khân may dơi klaih bơh nau phat dôih tâm ndrung ŭnh?

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Samƀŭt Pôl Njuăl Ăn Ma Phung Nsing Ta Ƀon Rôm 8:7

yorlah nau mĭn let ma nglay săk jêng rlăng đah Brah Ndu, yorlah păng mâu tông nau vay Brah Ndu; ngăn, păng mâu geh nau dơi ma gay tông ôh.

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Nau Vay Nkah Tay 29:25

Bu mra ơh pô aơ: ‘Yorlah khân păng hŏ dun jêh nau tâm rnglăp đah Yêhôva Brah Ndu phung chô yau khân păng ƀư jêh đah khân păng nôk Păng njŭn leo khân păng luh bơh n'gor Êjipt.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Nau Vay Nkah Tay 32:19

Brah Yêhôva saơ nau nây jêh ri chalơi khân păng Yor phung kon bu klâu, bu ur Păng hŏ nsônh nau Păng ji nuih.

Nau Vay Nkah Tay 32:5

Khân păng hŏ ƀư nau mƀruh nklă đah Păng Du noi deh nau ƀơ̆ ƀơch, rôih ko jêh ri nau tih mhĭk, Mâu hôm dơi di ƀư kon Păng.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Nau Tâm Mpơl 18:5

Yorlah nau tih păng bun prêh tât ta klơ trôk. Jêh ri Brah Ndu kah gĭt ma nau tih mhĭk păng.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”