Êsai 1:3 - Nau Brah Ndu Ngơi 2023

³ Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 1:3 Iomraidhean Croise

Nau Mprơ Ơm 94:8

Aơ phung rluk tâm phung ƀon lan, mĭn rvê hom; Ơ phung rluk, ndah jŏ khân may mra jêng phung blau mĭn?

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Nau Hôr 6:6

Hơi nơm ƀlao, văch uănh hom phung ngonh, Mêt uănh mâm nau păng gŭ rêh gay nti nau blau.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 42:20

May saơ jêh âk nau, ƀiălah mâu mâp klâng rvê ôh; Tôr may pơk jêh, ƀiălah may mâu tăng ôh.”

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 35:16

Phung kon sau Y-Jêhônadap, kon bu klâu Y-Rêkap, hŏ djôt prăp jêh nau phung chô yau khân păng ntăm, ƀiălah phung ƀon lan aơ mâu tông ôh nau Gâp.’

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Êsêkiêl 16:30

Kôranh Brah Yêhôva lah: ‘Mâm nuih n'hâm ay rŏng ir kơt nây! Lĕ nau ay ƀư tih lĕ rngôch nau nây jêng nau bu ur văng tĭr mâu gĭt bêk prêng

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

II Pêtrôs 3:5

Khân păng ndra ƀư mâu gĭt ma lĕ ndâr trôk tâm mpơl jêh ntơm bơh jŏ jêh tă bơh nau ngơi Brah Ndu, rplay neh njêng ntơm bơh dak jêh ri tă bơh dak;