Êsai 1:13 - Nau Brah Ndu Ngơi 2023

¹³ Lơi hôm njŭn ôh ndơ ƀư brah rnih môi mâu khlay! Gâp tâm rmot ma ndơ ƀâu kah, Ma nau rƀŭn khay mhe luh, ma nar saƀat jêh ri ma lĕ nau tâm rƀŭn toyh. Gâp mâu hôm dơi dơn ôh nau ƀư tih ƀaƀơ jêh ri lŏ hăn nau tâm rƀŭn yơk.

Êsai 1:13 Iomraidhean Croise

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Nau Ngluh Êjipt 12:16

Nar tal nguay, khân may mra geh nau tâm rƀŭn kloh ueh; tât nar tal pơh khân may ăt mra geh nau tâm rƀŭn kloh ueh tâm ban lĕ. Tâm lĕ nar nây, khân may mâu dơi ôh ƀư du ntil kan, knŏng ndrăp ndơ sông sa ma ăp nơm ri dơm.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 7:14

“Gâp hŏ nhhơr jêh ndơ nhhơr ƀư brah ma nau đăp mpăn, Nar aơ gâp mplơ̆ lôch jêh lĕ nau ton.

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Nau Nhĭm Vơl 2:6

Păng ƀư rai ngih brah păng nâm bu ƀư rai ndưp tâm du n'gar trao; Păng ƀư rai lơi nđâp ma ntŭk păng prăp nau tâm rƀŭn. Ta ƀon Siôn, Brah Yêhôva hŏ ƀư chuêl jêh Nar tâm rƀŭn jêh ri nar saƀat; Tâm nau ji nuih, Păng rhuăt lơi jêh hađăch jêh ri kôranh ƀư brah.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Yôel 1:14

Nal hom nar ât sông sa! Kuăl hom tâm rgum du mpôl toyh! Tâm rgum hom phung kôranh bu ranh jêh ri lĕ rngôch bunuyh gŭ tâm n'gor Ta ntŭk ngih Brah Yêhôva Brah Ndu khân may! Jêh ri kuăl mbơh sơm hom ma Brah Yêhôva!

Yôel 2:15

Uh hom nŭng tâm ƀon Siôn, Tâm nal hom nar ât sông sa, Kuăl hom du phung toyh!

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Nau Kơp Bunuyh 10:2

“May ƀư hom bar mlâm nŭng ma prăk bu chiăr n'hơ jêh ri dŏng khân păng gay kuăl rgum phung tâm rƀŭn jêh ri ntăm ma lĕ rmlak tahan hăn du luh.

Mathay 15:9

Nau khân păng yơk mbah ma Gâp jêng mâu khlay, Khân păng nti knŏng jêng nau vay bunuyh.’ ”

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

I Kôrintô 11:17

Ma lĕ nau ntăm nti jêh pakơi aơ, gâp mâu dơi tâm rnê ma khân may ôh, yorlah khân may tâm rƀŭn mâu djôt leo nau ueh lơn, ƀiălah jêng mhĭk lơn.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.