Êsai 1:12 - Nau Brah Ndu Ngơi 2023

¹² Lah khân may văch tanăp Gâp, Mbu nơm dăn nau aơ bơh ti khân may, Gay ma khân may jot ndring ngih Gâp?

Êsai 1:12 Iomraidhean Croise

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Ngluh Êjipt 23:17

Ăp năm pe tơ̆, lĕ rngôch phung bu klâu ăn hăn tanăp măt Kôranh Brah, jêng Brah Yêhôva.

Nau Ngluh Êjipt 34:23

Ăp năm pe tơ̆, ăn lĕ rngôch phung bu klâu tâm mpơl tanăp măt Yêhôva Brah Ndu da dê jêng Brah Ndu phung Israel.

Nơm Nti 5:1

Njrăng hom dôl may chuat tât ma ngih Brah Ndu. Ueh lơn tât dăch gŭ iăt rlau lơn jêng nhhơr mpa ƀư brah nâm bu phung rluk, yorlah khân păng nơm mâu gĭt năl ƀư nau mhĭk.

Yêrêmi 7:11

Pônây, khân may uănh ma ngih aơ, ntŭk dơi ntơ ma amoh Gâp, jêng trôm phung ntŭng lĕ? Aơ, Gâp nơm yơh, Gâp hŏ uănh saơ lĕ rngôch.’ Brah Yêhôva lah pô aơ.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,