Êsai 1:11 - Nau Brah Ndu Ngơi 2023

¹¹ Brah Yêhôva lah “Âk râk ndơ khân may ƀư brah mâu geh khlay ôh ma Gâp? Gâp hŏ dĭl jêh đah ndơ ƀư brah gŭch ma biăp nkuăng, Jêh ri ngi mpô mpa lay. Gâp mâu maak ôh ma mham ndrôk nkuăng, Mâu lah kon biăp jêh ri be nkuăng.

Êsai 1:11 Iomraidhean Croise

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 50:8

Gâp mâu nduyh may ôh yor lĕ mpa ƀư brah Mâu lĕ nduyh may yor ndơ ƀư brah gŭch gŭ tanăp Gâp mro.

Nau Mprơ Ơm 51:16

Yorlah May mâu maak ôh ma mpa ƀư brah, nđâp lah gâp mra nhhơr. Ndơ ƀư brah gŭch ăt mâu ƀư maak nuih n'hâm May.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Yêrêmi 7:21

Brah Yêhôva ma phung tahan, Brah Ndu phung Israel, lah: “Ntop hom ndơ ƀư brah gŭch ma lĕ mpa ƀư brah khân may jêh ri sa hom nglay puăch mpa ƀư brah!

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Amôt 4:5

Su lơi hom ndơ ƀư brah nau tâm rnê ma piăng let geh ndrui; Mbơh hom lĕ ndơ ƀư brah hŏ mĭn jêh tâm nuih n'hâm; Ntưih hom ăn bu gĭt lĕ nau nây! Hơi phung kon Israel, yorlah khân may ŭch ƀư nâm bu pônây.” Kôranh Brah Yêhôva lah pônây.

Amôt 5:21

Gâp tâm rmot, mưch ma lĕ yan rƀŭn khân may; Gâp mâu maak ôh ma lĕ nau tâm rƀŭn toyh khân may.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Mika 6:7

Brah Yêhôva mra maak ma âk rbăn mlâm biăp nkuăng Ma âk rbăn n'hor dak ngi ƀơh? Dơi lĕ gâp mra nhhơr kon bôk rah gâp yor nau gâp ƀư tih, Jêh ri nhhơr kao play bơh ndŭl proch săk jăn gâp yor nau tih gâp mâu?

Ndrom Samƀŭt bơh Agê 2:14

Y-Agê lah: “Brah Yêhôva lah: ‘Panăp măt Gâp, phung ƀon lan aơ, bri dak aơ tâm ban pônây lĕ, lĕ rngôch kan ti khân păng ƀư tâm ban lĕ; moh ndơ khân păng nhhơr ta aơ jêng ƀơ̆ da dê.’

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Nau Kơp Bunuyh 7:45

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ndơ ƀư brah gŭch;

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.