Êphêsô 6:12 - Nau Brah Ndu Ngơi 2023

¹² Yorlah nau he tâm lơh, mâu di tâm rdâng đah nglay săk jêh ri mham ôh, ƀiălah tâm rdâng đah lĕ nau chiă uănh, đah nau ktang, đah phung kôranh geh nau dơi klơ neh ntu ngo aơ, jêh ri đah phung brah mhĭk gŭ lĕ ntŭk ta klơ trôk.

Bunong Bible Latin Script Cambodian dialect

¹² Yorlah lah bunuyh jan jêr ma bân, mâu di ôh tâm lơh đah bunuyh, bân tâm lơh đah brah djơh i jan kôranh mât uănh, đah brah djơh i geh nau dơi, đah nau dơi djơh ngo neh ntu dja, jêh ri tâm lơh đah ma brah djơh ăp ntil ta kalơ trôk i geh nau dơi.

Bunong

¹² យ៝រ​លាស​លាស​ឞូនុយ្ស​ជាន​ជេរ​មា​ឞ៝ន់ មោ​ទី​អោស​តឹម​លើស​ដាស​ឞូនុយ្ស ឞ៝ន់​តឹម​លើស​ដាស​ឞ្រាស​អ្យើស​អី​ជាន​កោរាញ​ម៝ត់​អ្វាញ់ ដាស​ឞ្រាស​អ្យើស​អី​គែស​នាវ​ទើយ ដាស​នាវ​ទើយ​អ្យើស​ង៝​នែស​នតូ​អ្យា ជេសរី​តឹម​លើស​ដាស​មា​ឞ្រាស​អ្យើស​អាប់​នតីល​តា​កាលើ​ត្រោក​អី​គែស​នាវ​ទើយ។

Êphêsô 6:12 Iomraidhean Croise

Ndrom Samƀŭt bơh Yôp 2:2

Brah Yêhôva ôp Satan: “Mbah ntŭk tă may văch?” Satan plơ̆ lah ma Brah Yêhôva: “Gâp hăn ntŭk aơ ntŭk ri tâm neh ntu, nsong jŭm lam aơ ri.”

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Markôs 4:19

ƀiălah mĭn rvê ma nau rêh rnôk aơ, kơnh tâm nau ndrŏng, jêh ri kơnh drăp ndơ êng êng pit in nuih n'hâm khân păng, ƀư nu nau ngơi, mâu dơi geh play ôh.

Luka 13:24

Păng plơ̆ lah ma khân păng: “Nsrôih hom gay lăp tâm mpông huêt, yorlah Gâp lah ma khân may, âk bunuyh mra joi gay lăp ta nây ƀiălah mâu dơi lăp ôh.

Luka 22:53

Gâp gŭ ăp nar tâm ngih brah ndrel ma khân may, khân may mâu yơr ti nhŭp Gâp ôh. Ƀiălah aơ jêng mông khân may jêh ri nau dơi ktang tâm nau ngo.”

Yôhan 12:31

Aƀaơ aơ jêng nôk phat dôih neh ntu, jêh ri bu mra nsot lơi kôranh chiă uănh neh ntu aơ.

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 16:11

ma nau phat dôih, yorlah bu phat dôih jêh nơm chiă uănh neh ntu aơ.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 8:38

Yorlah gâp gĭt nanê̆ ngăn, nđâp tơlah nau khĭt, nau rêh, phung tông mpăr, phung kôranh chiă uănh, nau aƀaơ, nau rnôk kăndơ̆, nau dơi ktang,

I Kôrintô 15:50

Hơi phung oh nâu, gâp lah, nglay săk jêh ri mham mâu dơi dơn ƀon bri hađăch Brah Ndu ôh; nau ôm rai mâu lĕ dơi dơn nau mâu blau ôm rai.

II Kôrintô 11:14

Nau nây mâu hih rhâl ôh, nđâp ma Satan nơm jan lah njêng tâm ban ma tông mpăr nau ang.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

Galati 1:16

maak nuih n'hâm mpơl Kon Păng ma gâp, gay gâp nkoch mbơh Nau Mhe Mhan Ueh ma Kon Păng ta nklang phung bu năch, pôri ƀât lât gâp mâu hôm tâm nchră đah kon bunuyh ôh.

Êphêsô 1:21

rlau lơn ma lĕ rngôch nau chiă uănh, nau dơi, nau ktang, nau dơi chiă uănh, jêh ri ma lĕ rngôch amoh, mâu knŏng tâm rnôk aơ ôh, ƀiălah nđâp ma rnôk dăch tât đŏng.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 2:2

jêng lĕ nau khân may hŏ tă tĭng dôl hôm rêh tĭng nâm nau mơng ta neh ntu aơ, tông tĭng nơm chiă uănh tâm ndâr tŭk, jêng brah dôl pah kan tâm lĕ phung kon mâu tông bâr.

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

Kôlôh 2:15

Păng sŏk lơi lĕ nau chiă uănh, jêh ri nau ktang, sŏk si tâm rkăng Păng dơi đah phung nây, jêh ri ƀư bêk khân păng ta nklang lĕ rngôch bunuyh.

II Timôthê 2:5

Kơt nây đŏng, du huê nơm tâm rlong mâu mra dơn đon hađăch tơlah păng mâu nsrôih rlong di tĭng nâm nau vay.

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

ហេឞ្រើ 12:4

Khân may tâm rdâng tâm lơh đah nau tih ê hŏ kŏ tât nkhŭt mham khân may ôh.

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.