Êphêsô 5:17 - Nau Brah Ndu Ngơi 2023

¹⁷ Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

Bunong Bible Latin Script Cambodian dialect

¹⁷ Lah ndri lơi ôh jan bunuyh rluk mâl, ăn khân ay may gĭt vât ndơ i Kôranh Brah nơm ŭch chrao.

Bunong

¹⁷ លាស​នទ្រី​លើយ​អោស​ជាន​ឞូនុយ្ស​រាលូក​ម៝ល់ អ៝ន់​ខាន់​អៃ​មៃ​គឹត​វ៝ត់​នទើ​អី​កោរាញ​ឞ្រាស​នើម​អុច​ច្រាវ។

Êphêsô 5:17 Iomraidhean Croise

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 119:27

Ăn gâp gĭt rbăng trong nau vay ntăm bơh May, Pôri gâp mra gŭ mĭn ma lĕ nau kan khlay May.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Êphêsô 5:15

Pôri, sek uănh njrăng hom ma nau khân may gŭ rêh, lơi gŭ rêh nâm bu phung rluk mâl, ƀiălah gŭ rêh nâm bu phung blau mĭn.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

Kôlôh 4:5

Ăn khân may gŭ ngao blau mĭn tanăp phung bu năch, jêh ri blau dŏng mông nar.

I Têsalônik 5:18

lah ueh hom ma Brah Ndu tâm lĕ nau tât, yorlah nây jêng nau mĭn Brah Ndu ŭch đah khân may tâm Yêsu Krist.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.