Êphêsô 4:32 - Nau Brah Ndu Ngơi 2023

³² Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Bunong Bible Latin Script Cambodian dialect

³² Ăn khân ay may geh nuih n'hâm lŏng, nđâp ma tâm yô̆ nđach ndrăng nơm. Ăn tâm yô̆ ndrăng khân ay may nơm mâu hôm tâm kơp nau tih, kơt Kôranh Brah lĕ yô̆ khân ay may mâu hôm kơp nau tih khân ay may đŏng yor ma ndơ Brah Krist lĕ jêh jan.

Bunong

³² អ៝ន់​ខាន់​អៃ​មៃ​គែស​នូយ្ស​នហ៝ម់​ល៝ង់ នអ៝ប់​មា​តឹម​យោៈ​នអាច​នទ្រាង់​នើម។ អ៝ន់​តឹម​យោៈ​នទ្រាង់​ខាន់​អៃ​មៃ​នើម​មោ​ហោម​តឹម​កើប​នាវ​តីស កើត​កោរាញ​ឞ្រាស​លែៈ​យោៈ​ខាន់​អៃ​មៃ​មោ​ហោម​កើប​នាវ​តីស​ខាន់​អៃ​មៃ​ដ៝ង់​យ៝រ​មា​នទើ​ឞ្រាស​ក្រីស  ​លែៈ​ជេស​ជាន។

Êphêsô 4:32 Iomraidhean Croise

II Samuel 7:21

Nây jêng nau ngơi May jêh ri tĭng nâm nuih n'hâm May nơm, May ƀư jêh lĕ nau kan toyh aơ, jêh ri mpơl ma oh mon May gĭt năl.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Mprơ Ơm 145:9

Brah Yêhôva ƀư nau ueh ma lĕ rngôch bunuyh, Nau Păng yô̆ nđach gŭ ta lĕ rngôch ndơ Păng rhăk njêng.

Nau Hôr 12:10

Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Nau Hôr 19:11

Nau blau mĭn bơh du huê bunuyh ƀư ăn păng băt ji nuih, Jêh ri yor nau khưm păng mâu ndăng ôh nau tih bu.

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Yêrêmi 38:12

Y-Êbet-Mêlek, bunuyh Êthiôpi, lah ma Y-Yêrêmi: “Ăn may săp ƀaƀă bok sat jêh ri kho ao ơm ta nklang păl vak jêh ri rse brăt.” Y-Yêrêmi ƀư di tâm ban pônây.

Mathay 6:12

Yô̆ an ma nau tih hên, Tâm ban ma hên yô̆ an jêh ma bunuyh ƀư tih đah hên;

Markôs 11:25

Tơlah khân may dâk mbơh sơm, lah khân may geh nau mâu maak đah bu, yô̆ an hom, gay ma Mbơ̆ khân may gŭ klơ trôk yô̆ an lĕ nau tih khân may đŏng.”

Luka 1:78

Yor nuih n'hâm yô̆ nđach bơh Brah Ndu he, Ang ơm ôi bơh klơ prêh chop khâl he,

Luka 11:4

Dăn yô̆ an nau tih hên, yorlah hên yô̆ an jêh ma bunuyh ƀư tih đah hê. Dăn lơi ăn hên tŭp tâm nau ndơm ôh!’ ”

Luka 17:4

Nđâp tơlah tâm du nar, oh nâu may ƀư tih đah may pơh tơ̆, jêh ri pơh tơ̆ păng plơ̆ tay ma may, lah: ‘Gâp rmal nau tih gâp,’ ăn may yô̆ an ma păng.”

Luka 6:35

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

Luka 6:37

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Kôranh Oh Mon 28:2

Phung bunuyh gŭ ta bri nây rom hên ma nau ueh. Yorlah trôk ntơm mih jêh ri ji kăt, khân păng sŭnh ŭnh ăn hên njâr jêh ri vơt rom lĕ rngôch hên.

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

I Kôrintô 13:4

Nau rŏng blau ŭn nuih, nau rŏng vay ƀư nau ueh; nau rŏng mâu geh tâm mâu nach, mâu lah n'hao êng păng nơm, mâu sưr rlau,

II Kôrintô 2:10

Ƀiălah mbu nơm khân may yô̆ an, gâp yô̆ an lĕ. Tơlah moh ndơ gâp yô̆ an jêh, gâp ƀư pônây yor khân may tanăp Brah Krist,

II Kôrintô 2:7

Ƀiălah aƀaơ, ueh lơn khân may yô̆ nau tih jêh ri bonh leng bunuyh nây, gay ma bunuyh nây mâu ngâm tâm nau rngot rvê dŭt hâu.

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

Êphêsô 5:1

Pôri, ăn khân may plơ̆ jêng phung bunuyh tĭng kơt Brah Ndu nâm bu phung kon Păng rŏng ngăn ngên.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Yôhan 2:12

Hơi phung kon jê̆, gâp nchih ma khân may yor nau tih khân may geh nau yô̆ an jêh yor amoh Păng.

Bu ur Rut 2:20

H'Naômi lah ma ƀăn păng pô aơ: “Dăn ma Brah Yêhôva ăn nau ueh uĭn ma Y-Bôas yorlah Păng mâu blau dŭt ăn nau yô̆ ma phung rêh jêh ri phung khĭt!” H'Naômi lah tay: “Bu klâu nây jêng ndŭl mpôl đah he, jêng du huê tâm phung geh nau dơi chuai drăp ndơn bơh he.”