Êphêsô 4:31 - Nau Brah Ndu Ngơi 2023

³¹ Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

Bunong Bible Latin Script Cambodian dialect

³¹ Ăn khân ay may mƀăr lơi i nuih n'hâm keh koh, nuih n'hâm hăt janh, nuih n'hâm ji nuih, nau tâm văl tâm mprat, nau ngơi nchơt bu, ndrel ma ăp ntil ndơ djơh.

Bunong

³¹ អ៝ន់​ខាន់​អៃ​មៃ​មអារ់​លើយ​អី​នូយ្ស​នហ៝ម់​កែស​ក៝ស នូយ្ស​នហ៝ម់​ហាត់​ជាញ នូយ្ស​នហ៝ម់​ជី​នូយ្ស នាវ​តឹម​វាល់​តឹម​មព្រាត នាវ​ងើយ​ញចើត​ឞូ នទ្រែល​មា​អាប់​នតីល​នទើ​អ្យើស។

Êphêsô 4:31 Iomraidhean Croise

Nau Ntơm 27:41

Bơh nây, Y-Êsau rmot ma Y-Yakôb yor nau mbơ̆ păng ăn nau ueh uĭn ma Y-Yakôb. Y-Êsau mĭn êng: “Mbơ̆ dăch khĭt jêh; jêh nây nkra nau tâp ma mbơ̆, gâp mra nkhĭt Y-Yakôb, oh gâp.”

Nau Ntơm 37:21

Ƀiălah tơlah Y-Ruben tăng nau nây, păng joi trong gay rklaih Y-Yôsep bơh ti phung nâu păng. Păng lah: “Lơi he nkhĭt ôh păng.

Nau Ntơm 37:4

Nôk phung nâu păng saơ mbơ̆ khân păng rŏng ma Y-Yôsep âk lơn, khân păng tâm rmot, jêh ri mâu dơi ngơi ueh ôh đah Y-Yôsep.

Nau Ntơm 4:8

Y-Kain tâm ngơi đah Y-Abel, oh păng. Nôk bar hê dôl gŭ tâm mir pôri Y-Kain rduh lơh Y-Abel jêh ri nkhĭt lơi păng.

II Samuel 13:22

Bi Y-Apsalôm mâu ngơi du nau ôh ma Y-Amnôn, nđâp lah nau ueh mâu lah nau mhĭk, yorlah Y-Apsalôm tâm rmot đah Y-Amnôn yorlah nau bê̆ch ndrel đah H'Tamar, oh bu ur păng.

II Samuel 19:27

Ƀiălah păng nchơt nau gâp ngơi ma hađăch jêng kôranh gâp. Ƀiălah, hađăch jêng kôranh gâp nâm bu tông mpăr Brah Ndu, ƀư hom moh nau may mĭn ueh.

II Samuel 19:43

Phung Israel plơ̆ lah đŏng ma phung Yuđa: “Ma hađăch Đavit, hên geh jât mpôl băl prăp ma ngih hađăch; rlau lơn ma nĕ, hên geh âk nau di lơn ƀơh đah khân may. Pôri mâm ƀư khân may tâm rmot ir ma hên? Mâu hĕ di hên jêng phung lor lơn hŏ lah ma nau njŭn sĭt hađăch he?” Ƀiălah phung Yuđa ngơi ktang lơn ma phung Israel ngơi.

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 140:11

Lơi ăn bunuyh geh mpiăt ndơm dơi gŭ nâp tâm n'gor; Ăn nau djơh mra hăn tĭng joi bunuyh janh ƀai!

Nau Mprơ Ơm 15:3

Păng geh mpiăt mâu ngơi nchơt, Mâu lĕ ƀư mhĭk ma mĭt jiăng, Mâu đŏng srih nau bêk prêng phung chiau meng păng;

Nau Mprơ Ơm 37:8

Ăn mƀăr hom nau ji nuih jêh ri chalơi nau nuih; Lơi ƀư rŭng may nơm ôh, yor nau nây knŏng ƀư nau kan mhĭk.

Nau Mprơ Ơm 50:20

May gŭ ngơi kek ma phung oh nâu may, May ngơi nchơt ma kon bu klâu me may.

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Hôr 10:12

Nau tâm rmot jêng nsônh ma nau tâm djrel, Nuih n'hâm tâm rŏng nkŭm lĕ nau tih.

Nau Hôr 10:18

Bunuyh pôn mo nau tâm rmot geh mbung mƀruh, Mbu nơm ngơi nchơt jêng bunuyh rluk mâl.

Nau Hôr 14:17

Mbu nơm gơnh ji nuih ƀư nau rluk, Bi bunuyh nchră ƀư nau mhĭk bu mra tâm rmot.

Nau Hôr 18:8

Nau nơm nkoch bri nsak nâm bu ndơ sa kah, Păng lăp trŭnh tât proch klơm.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 25:23

Sial nđik jêng mih, Bi mpiăt ngơi kek ma nau ndâp ƀư ăn muh măt ji nuih hâu ngăn.

Nau Hôr 26:20

Ŭnh nhhât yor mâu tŏng long; Mâu geh bunuyh dăng nkoch bri, nau tâm djrel kŏ nsrŭng đŏng.

Nau Hôr 29:22

Bunuyh mơng nuih ƀư nau tâm djrel, Bunuyh duh nuih ƀư âk nau tih ngăn.

Nau Hôr 29:9

Tơlah bunuyh blau mĭn tâm rlăch đah bunuyh rluk, Nđâp tơlah păng nuih mâu lah gơm mâu geh ôh nau đăp mpăn.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Nơm Nti 7:9

Lơi ir ngăch ăn nuih n'hâm he ji nuih, Yorlah nau ji nuih ơm gŭ tâm ndŭl phung rluk.

Yêrêmi 6:28

Lĕ rngôch phung khân păng tâm rdâng da dê, Hăn ngơi nchơt ăp ntŭk. Pler nâm bu kông, dăng nâm bu loih, Khân păng knŏng gĭt ƀư rai.

Yêrêmi 9:4

Ăp nơm mra njrăng ma nơm chiau meng, Lơi ta rnơm ir ôh du huê oh nâu êng; Yorlah oh nâu mra ndơm ndrăng oh nâu, Bi ma phung chiau meng hăn ngơi nchơt.

Kôranh Oh Mon 21:30

Lĕ ƀon lan jêng uh ah, âk bunuyh nchuăt văch nhŭp Y-Pôl jêh ri têk păng luh tă bơh ngih brah, jêh ri bu nchăng lơi mpông ro.

Samƀŭt Pôl Njuăl Ăn Ma Phung Nsing Ta Ƀon Rôm 3:14

“Trôm mbung khân păng bêng ma lĕ nau rtăp rak jêh ri nau rngot ngăn ngên.”

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

I Kôrintô 5:8

Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Êphêsô 4:22

Pôri, khân may doh chalơi hom bunuyh ơm jêng ndơ nau rêh rnôk kăl e, ơm jêng tih mhĭk jêh yor lĕ nau kơnh ŭch mƀruh nchơt;

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

Kôlôh 3:19

Hơi phung sai, rŏng hom ma ur khân may nơm, lơi ƀư nau djơh mhĭk ma păng.

Kôlôh 3:8

Ƀiălah aƀaơ, mƀăr lơi hom lĕ rngôch nau nây, nâm bu ntĭt nau ji nuih, nau rngot, nau janh ƀai, nau sưr rlau, jêh ri lĕ nau ngơi bir luh bơh trôm mbung khân may.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 5:13

Ntop ma nau nây, khân păng hôm nti nau gŭ mơng sa dơm mâu pah kan, nsong bơh ngih aơ tât ngih ri; mâu knŏng kơt nĕ, khân păng hôm gŭ nkoch bri dơm dam, ngơi nkoch kan bu êng, ngơi nau mâu khư ma ngơi.

II Timôthê 2:23

Dun hom ma lĕ nau tâm rlăch brŭt rluk jêh ri nau rluk ngăn, yorlah may gĭt jêh, lĕ nau nây ƀư ăn ma nau tâm djrel dơm.

II Timôthê 3:3

mâu geh nau rŏng ma bu, mâu gĭt yô̆, ngơi nchơt, brŭt ndrăng, janh ngăn, tâm rmot ma nau ueh,

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

Titus 2:3

Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yakơ 3:14

Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

I Yôhan 3:15

Mbu nơm tâm rmot ma phung oh nâu păng nơm jêng bunuyh tâm nkhĭt bunuyh, jêh ri khân may gĭt mâu geh ôh du huê nkhĭt bunuyh geh nau rêh n'ho ro gŭ tâm păng.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.